خرافات متوارثة

هههههههههههههه الله يقطع ابليس الخرفات هاذي جد تضحك

بصراحة الموضوع هذا رهيب ويا كثر ما نسمع هالاشياء انا شخصيا لما اسمعها خصوصا من حرمة كبيرة ما افشلها ولا اتهزا بالعكس استانس وابين لها الاهتمام وانا داخليا ودي اضحك وادعي لها في نفسي لأنها وسعت صدري بهالخرافات ، بعض الخرافات اللي قد سمعتها :

1- اللي ترضع ولدها لازم ما تشوفه وتتأمل فيه وهي ترضعه بعدين ما يكبر !! تخيلوا يعني لازم تناظر فوق ولا يمين ولا يسار طيب لو شرق وش تسوي ؟؟

2- الرضيع لو مزكم او اذنه تعوره او فيه التهاب في عيونه امه تقطر له في عيونه او اذنه من حليبها ؟!! يقولون هو علاج لكل شي !

3- البيبي ما يكمل 40 يوم الا وهو أكل كبر راسه من التمر طبعا بطريقة ( منقوع التمر ) والحين الاطباء يقولون لا تعطونهم تمر ابد قبل 6 شهور والله ما عرفنا من نصدق !

4-الولد اذا عنده عرق بارز في جبهته يعني امه بتجيب بعده ولد

5- الطفل اللي يصير حلو مررة وجماله ملفت فهو معرض للخطر الشديد والموت الى ان يصير عمره 5 او 6 سنين ( عاد تصدقون هذي صايرة كذا مررة مع معارفنا بس مو شرط طبعا )

6- الشاي الاخضر يبطل مفعول حبوب منع الحمل !! عاد هذي نشوف بعدين هل يثبتها العلم ولا لأ

7- اللي تولد وما يكون نفاسها زين بتستمر آلام الظهر والتعب وخراب الرحم عندها وما راح تتعدل الين تحمل وتولد مرة ثانية !! معقولة طيب كل داء وله دواء

8- فيه قصة بس انا ما سمعتها من اولها تقول ان حرمة من الاولين كان عندها رضيع وكانت تعبانة وقالت له قم جب مهادك فعاقبها ربي ان خلاها تشيل الولد سنتين كاملين ؟؟ طيب هذانا نشيلهم ؟؟ ياليت اللي تعرف القصة كاملة تعلمنا اياها ولا تسأل اي حرمة كبيرة عندي فضول بصراحة اعرف هالاشياء الغريبة

سمعتوا ( العروس عليها حرس ) ؟!
هذي الله يسلمكم منتشرة أول ومازالت في بعض القرى والهجر متعارف عليها الى الآن
وهي ان العروس بليلة دخلتها لازم تحرس يعني لازم يكون فيه أحد متواجد معها ومع عريسها علشان مايقربها ويصير جماع
وعادة تكون أمها أو عمتها أو خالتها أو أم الزوج أو عمته أو خالته .. بس لازم حرمة كبيرة تنام بالأرض يحطولها فراش وغطاء وتنام صارت مع خالتي بليلة عرسها حرسوها .. أخت زوجها الكبيرة أصرت تصير ناطور ذيك الليله خايفة على أخوها ....
والسبب ان الزوج باعتقادهم يموووووووت على طول لو جامع عروووسه ..كخخخخ

في بعض البنات وهي حالة نادرة وهي رضيعة يجيها دم يستمر يوم أو يومين كالدورة ولازم الأم تعلم الكل وش صار لطفلتها اللي بالمهد علشان يحرسونها ليلة عرسها اعتقاداً ان عليها جن ممكن يقتلون عريسها لو جامعها ليلة العرس والجن يتركونها ثاني ليله

يحليلهم .. خالتي تقول ضيعولي رومانسية ليلة عرسي بالخرافه كخخخخخخ

القصه اللي قايلتها الاخت فوق انا سامعتها من قبل بس بطريقه ثانيه

يعني انا سامعه من قبل ان الاوليين لو كانت العروس في ايام الدوره الشهريه ليله الدخله .. تروح معاها وحده من النسوان الكبار (( مو شرط تقرب لها )) و تبات مع العروس و المعرس في نفس الغرفه الى ان تغسل الزوجه من الدوره عشان ما يقدر الزوج انه يقرب منها و وحده من بنات عمي الكبار صارت لها هالقصه و باتت معاهم عمه زوجها .. بس الحين عادي و الحريم و الرجال صارو متعلمين و واعين و ما يحتاجون حد يقول لهم ان هالشي حرام

يقولوا اذا احد باس البيبي في رجوله وهو لسه رضيع ... ماراح يمشي !!

واذا احد باس البيبي بعد ماتقرين عليه المعوذات والتحصين ... يروح مفعول التحصين !!