السلام عليكم ورحمة الله وبركاته
اخواتي اتمنى منكم الدعاء لي بان تتيسر اموري
تخيلوا يا اخواتي ولدي بالعنايه المركزه في المستشفى التخصصي الطبي الاهلي مو الحكومي من ولادته واليوم يكلف من 3 الى 4 الاف ومايقدر يطلع منها والحين عمره سنه و3شهور بس توه صغير وانا عايشه بالرياض
جبنا امر اول ما انولد عشان وزاره الصحه تتكفل بالعلاج طبعا بعد مرمطه وروحه وجيه وتعب
طبعا هذا مو اول ولد لي صارت لي نفس المعاناه مع بكري الاول وتوفى بعد سنه وزياده ودفعنا مبالغ عظيمه والله يعوضنا خير ويلهمنا الصبر المال يهون اهم شي الشفاء
طبعا مرض ولدي ماله شفاء بكل دول العالم لاحول ولا قوه الا بالله الشفاء بس عند الله سبحان الله بيده كل شئ وهو على كل شئ قدير ويجلس تحت التنفس الاصطناعي الى ان يتوفاه الله رغم انه مكتمل الخلقه ومافيه اي شي طفل طبيعي
وهذا رابط الموضوع اللي طلبت فيه دعوات منكم له بالشفاء
http://forum.hawaaworld.com/showthread.php?t=1187090
طيب تدرون ايش المشكله
ابيكم تحطون انفسكم بمكان كل هالالم والتعب بولدي الوحيد والحين امس جا امر بدون مقدمات بنقل ولدي الى مستشفى حريملا العام !!!!!!!!
تخيلتوا
سنه و3 شهور واهله بالرياض وبالعنايه وش يودينه هناك !!
لاهو مدرسه ولا غيره !!
معقوله قله الاسره بالرياض!!
ولدي تراه كله على بعضه ما يجي 10 كيلو ولاهو مزعج و حتى صوته ما يطلع حطني تلقاني حتى البكاء ما يبكي مافيه غير الاجهزه هي اللي تعبر عنه
انا لفت فيني الدنيا هم يقولون تعالوا وقعوا والا اصلا السياره موجوده بيروح ولدكم لحريملا !
اللهم اجرني في مصيبتي واخلف لي خيرا منها
حسبي الله ونعم الوكيل
لا تقولون لي حريملا قريبه انتو عارفين الاخطاء الطبيه اللي هناك ولدي مره حاله حرجه وش يوديه هناك وبعدين مافيه ولا سرير بالرياض ما اصدق !!
حرام والله المهم رجلي ياعمري مسكين طلع من دوامه وقام راح المستشفى قالوا قدامك 3 ساعات تدبر عمرك فيها تعرفون عطونا الخبر متى !!الساعه 2 العصر فيما ندبر امور يكون الدوام خللص ويوم اربعا وخميس وجمعه مافيه دوام راح وزراه الصحه قالوا مالنا دخل بعد يالله لقينا سرير بالله وش رايكم بهالكلام !!
وقال رجلي طيب اجلوها قالوا خلاص حدك يوم السبت بيكون النقل شوفوا بس التعجيز على اصوله لا عطونا خبر قبل الا بنفس اللحظه واخر دوام يوم اربعاء وخميس وجمعه مافيه اي دوام والسبت نقل
انا مو مصدقه ان ولدي وحيدي بيروح حريملا
مالي غير الله حسبي الله عليهم
رجلي حالته حاله يالله ينام ووجهه منعفس شايل همه اهلي وخالتي وصاحباتي شايلين هم ويدعون له وامي اللي كل يوم تزور ولدي بالله امي كبيره السن شلون بتطق سفر لحريملا هي تزوره اكثر مني تجيه مرتين باليوم وانا مره !!
ادعوا يا بنات لي تتيسر اموري مافيه غير رب العالمين يقول كن فيكون
والله يوفقني ويفقكم ويسخر لي ويسخر لكم ويرزق ابني الشفا ويشفي جميع مرضاكم ويرزقكم ما تتمننون
شاركي في النقاش
سجلي الدخول لإضافة تعليق.
التعليقات
60- ياقلبي انتي.....الله يشفيه من عنده ولا مرمطتهم حسبي الله عليهم.
ياربي ياقادر على كل شي سبحانك انت الشافي وانت المعافي اشفه وعافه انت ارحم من خلقك عليه سبحانك تحيي العظام وهي رميم
شوفي اختي مافيه شي اسمه نقل مريض وهو بحالة حرجه ووش السبب علشان سرير؟؟؟ طيب هذا له سنه وهو بسريره ماتحرك يعني معقول فيه مريض احوج منه بالسرير مااعتقد ...غير كذا ولدك موب توه جاي لهم علشان يقولون مافيه سرير هذا سريره من سنه قولي لهم ماطلبناكم سرير ثاني علشان تتفلسفون
بعدين مافيه مستشفى بالسعودية كلها سواء حكومي او خاص يقدر يطلع اي حاله من المستشفى طالما انه يتعالج عندهم من ولادته او من فترة طويلة الا بطلب من ولي امر المريض ويكون لمستشفى افضل بعد.
علشان كذا لايوقع زوجك على اي ورقة وماراح يلمسونه صدقيني....واي احد يكلمه خليه يقول لهم مانيب موقع واي شي يجي ولدي انت المسؤل ولو انه ولدك والا احد اقاربك وش كان بتسوي كان تحجز له بأفضل مكان لكن حسبنا الله وهو يكفي وهو نعم الوكيل ساعتها مااحد متكلم وماراح يحركونه......صدقيني انا مريت بتجربة مقاربة وهذا اللي سويناه ومااحد لمس ولدي.
جد شي يقهر
والله يغني عنهم بالعافية ياحي ياقيوم ويشفيه ويلبسه ثياب الصحه والعافية يارب. - لاحول ولاقوة الا بالله ..
الله يشفيه ويخليه لكم وييسر اموركم ..
يعني معقولة مافيه اسره !!! اللحين كل شي بواسطه .. عندك واسطة تدخل ...
يعني المواطن وين يروح :06: ...
بس ان شاء الله رحمة ربي اكبر منهم .. - الله يشفيه ويقر عينك به
- انا ماالومك يااختي وخلاص المستشقيات ماعندهم ذمه
توكلي على ربك اللي ماتنام عينه ماتدرين وين العافيه فيه والله يشفيه ويرحم حاله ويخليه لكم انه على كل شي قدير - لا حول ولا قوة الا بالله
حسبي الله ونعم الوكيل حسبي الله على من شق علينا
حسبي الله على من ضيع الامانة وفرط بمسؤوليته وحمل المسلمين فوق طاقتهم
أختي اسأل الله العظيم رب العرش الكريم ان يشفي طفلك بمنه وكرمه
ارسلي برقيات لولاة الامر حفظهم الله فوالله لايرضون بهذا الوضع فهم حريصون على راحة المواطنين
كذلك ارسلي برقية لوزير الصحة اشرحي فيه ظرفكم
يقول تعالى ((وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ)) البقرة 216
ويقول تعالى (( فعسى أن تكرهواشيئاويجعل الله فيه خيرا كثيرا))
يسر الله امركم وشفى مريضكم وكشف ضركم وجلى همكم وابدل عسركم يسرا
مواضيع مشابهة
تابعي تجارب أخرى من هذا القسم.