>>>>>>قصه زوجي وورم الدماغ <<<<<<(اللهم أرحمه ووسع قبره)

اللهم اشفيه ياربي
اللهم اعده لزوجته و ابنائه في صحة و عافيه
يارب انك قادر و قريب تستجيب دعوة الداعي
اللهم استجب و اشفي زوج اختنا

الله يقويك يا اختي و يسمعك خبر خير

السلام عليكم ورحمة الله وبركاته
غاليتي اكبر شوشة

الحمد لله على كل حال

هذا ابتلاء من رب العالمين ليراه أيصبر أم يكفر وهو ان شاء الله من الصابرين

وهذا المطلوب منك ياأختي ان تكوني صابرة كل شي مكتوب

رب العالمين نجاه مرة ومرتين وان شاء الله بينجيه ...

الاعمار بيد الله لاتخافي عليه وتخلين حياتج حزن وخوف وتضيعين الشي المهم

الشي المهم هو وجوده حاليا في هاللحظة

عيشي اللحظة معاه ابتسمي لما تلقينه جنبك
روحي الصالون سرحي شعرك له وتمكيجي له غيري الجو وعيشي لحظة الفرحة معاه لحظة بلحظة

البسي له وكشخي وطبخي له غيري ديكور البيت

صدقيني هو محتاج انه يحس بالفرحة لان آلامه مش هينه

لاتكونين انتي والمرض عليه

مثل ماقالت احدى الاأخوات ابكي في غرفتج أو ابكي عند اختك او ابكي عند صديقتك...

بس المهم لاتخلينه يحس بالحزن بسبب المرض والعجز

الله يعطيه طولة العمر ويخفف عليه آلامه ومرضه ويشفيه
ويغادره هالمرض من غير عودة

ولاتخلين عيالك تتكدر معنوياتهم اكثر هم يعرفون ويحسون باللي يمر فيه ابوهم الله يعينهم
ترا هالشي صعب عليهم لاتخلين هالشي يأثر على درجاتهم
لان هالشي يزعل ابوهم

اوصيك بكثرة الاستغفار

والدعاء خاصة أدعيه الكرب

والصدقة

والصبر

والله المستعان