ليتك معي حاضر وتسمع بطاريك
لحظه عليها أدفع بقايا سنيني
مدري يشدك شوق بعيون مغليك
ولا تجادل بالحكي عاذليني
راحت سنين العمر والقلب يرجيك
رجوى الغريب اللي عزاه الونيني
وش حيلتي غير القصايد تناديك
وش حيلتي والصمت بينك وبيني
لا جيت ابقرب ردني قول مابيك
وان جيت اببعد قلت يمكن يبيني
ماضعت أنا بدنياي ضيعتني فيك
لك صوره من وين ماأرحل تجيني
تعبت أضمك داخل القلب وأخفيك
أخاف من عين تشوفك بعيني
شفها بديني لاقربت عند أياديك
وشف حكمة الله ماتطولك يديني
شاركي في النقاش
سجلي الدخول لإضافة تعليق.
التعليقات
4مواضيع مشابهة
تابعي تجارب أخرى من هذا القسم.