أهلين شلونكم حبايبي
انقطعت عنكم فترة بسبب اني كنت اداوم بالجامعة بس ماقدرت اكمل لان دوامي كان من الثامنة صباحا لين الثالثة ظهرا فكنت لما ارجع اتعب وايد:44: طبعا مثل ماتعرفون اني حامل فقررت اني اوقف هذا الكورس .
اليوم عملت صورة للجنين عشان اطمئن عليه وانا بعد يومين راح ادخل الشهر السادس
فقالت لي الدكتورة اني مايبن بنت او ولد لان كان مسكر اريوله فاحتمال كبير ايكون بنت
بس اتعرفون الدكتورة ابصراحة ضيقت فيني:30: لانها اول شي ماعندها خبرة بهذي السوالف وانا كنت سايرة بس عشان اطمئن عليه لاني باول الرابع سويت صورة وقالت لي الدكتورة طبعا غيرها وهذي عندها خبرة في اذا كان بنت او ولد فقالت لي 80% ولد
فالحين مااعرف منو اصدق الاولى او الثانية طبعا انا عندي الولد والبنت كل واحد وخصوصا اول بيبي لي فما اشيل هم وبعد بغيت اعرف وين اقدر اسوي التراساوند بالامارات وخصوصا بالعين هذي اللي اطلع الجنين بصورة واضحة جدا
وسؤال أخير هل يكون معرفة جنس الجنين بأول الشهر الرابع واضحة ؟!
شاركي في النقاش
سجلي الدخول لإضافة تعليق.
التعليقات
15- ما عاش الي يجننك
بسيطه روحي مركز ثاني وان شاء الله يكون البيبي فك رجوله وتعرفينه
واذا ما عرفتي كلها كم شهر وتشوفينه بعيونك
والله ينولك الي في بالك يااااااااااااااارب - عزيزتي ..
انا لما كنت حامل في بنوتي الي قبل هالحمل رحت عند الدكتوره غزل اذا سمعتي فيها ...
وبصراحه احسها عندها خبره وكنت بالشهر الرابع وخبرتني انها بنيه.. 
وسعي صدرك وبعد كم اسبوع سوي اشعه عند طبيبه او طبيب معروف وتاكدي واقطعي الشك باليقين
ولي يجي من الله حياه الله اهم شي يكون بصحه وعافيه ومن الصالحين البارين :)
والله يثبت حملك ويرزقك الذريه الصالحه :26:
..
.
- بعد السلام حبيبتي" روح زوجي " انا لما عملت تصوير للجنين كان بالرابع وكان اجمل شيء شفته لان جسمه واضح وخصوصا الهيكل العظمي وكنت اشوفه يحرك اصابعه ويفتح فمه وكنت بشهر رمضان مسكيين كان جوعان المهم الكتورة قالت لي ان ولد ولما صرت بالسابع قالت لي دكتورة ثانية انه ولد بس كل ما يكبر الجنين تكون صورته غير واضحه فلا تصدقي اي كلام ينقال وانشاء الله بتفرحي باللي في بالك
- على فكرة نسيت اخبرك ان المشي مفييد جدا لانه يغير وضعية الجنين فقبل ما تسوي التلفزيون تمشي افضل :27:
مواضيع مشابهة
تابعي تجارب أخرى من هذا القسم.