بنات بشتشيركم في غرفةالنونو اللي بالطريق

بنات انا ساكنه دور علوي يتكون من مجلس رجال وحمامه ومغاسله ومقلط كبير ومجلس حريم وغرفت نوم وحمامه ومطبخ الحمدلله مناسبنا ولاكن فيه عيب مافيه غرفة اطفال يعني غرفه زايده وتبهذلت انا والخدامه مدري وين تنام خليتها تنام بمجلس الرجال لانه منعزل عن البيت وافتك منها ومن قزقزتها:42: وولدي ينام معي بالغرفه انا قررت يابنات اني اخلي مجلس الحريم غرفه لولدي ولنونو اللي بالطريق لاني بالد قريب ادعولي ان الله يهون علي ومجلس الحريم جنب غرفتي لازق مره قلت خليني افرشه وازينه واخليه لاطفالي والخدامه بعد وبحط فيه دولابهم وتلفزيونهم لان ولدي حاطه سريره بغرفتي وغرفتي مره ضيقه والنونو الجديد محتاره وين احط سريره شكل زوجي بيهج للمقلط:arb: المهم بنات انا مايجيني الا اهلي وخالاتي واهل زوجي وبحكم ان اهلي جنبي وبيتهم ماشاء الله كبير اروحلهم اغلب ايام الاسبوع واذا جو اهل زوجي يجلسون بالمقلط يحبونه لانه مفروش ويحبون جلست الارض ودائما زوجي جالس فيه وتلفزيونه وكمبيوتره فيه والاكل والشرب فيه واذا جو اهلي بعد يحبونه ويجلسون فيه واذا جو خالتي زوجي يفضي الجو ويطلع نصير نجلس بمجلس الرجال او المقلط وبصراحه ناااادرا مايجني ضيوف رسميين واحطهم بمجلس الحريم ومجلس الحريم شبه مهجور تكفون وش رايكم بنات اخلي مجلس الحريم غرفه لعيالي ودي اصلحها قبل لاولد امي وخواتي يقولون بكيفك ماعطوني رائ امشي عليه وزوجي يقول بكيفك بس انا اخاف اذا قلبت المجلس غرفه يتسلطون علي الضيوف وبعدين اندم

11 تعليق 965 مشاهدة

شاركي في النقاش

سجلي الدخول لإضافة تعليق.

التعليقات

11
  1. @hoaaa_ttlb_rda_rbha

    ياختي اهم شي انتي ترتاحين يعني تضغطين على نفسك وتضايقينها وعندك الغرفه على قولتك مهجوره ماستفدتي منها

    بالعكس خليها لعيالك واذا جو ضيوف حطيهم بمجلس الرجال وخلصنا احنا مشكلتنا مجلس و مقلط وغرفه حريم ومهجوره على الفاضي
  2. وانا بعد انصحك تسوينها لعيالك .. انا كان في مامضى كان عندي غرفة ضيوف مهجووره وقلبتها لاطفالي ليش نضيق على انفسنا وعندنا سعه من الله .. حرااام .. وعلى قولتك مافي ضيوف رسمين مثلي ..
  3. @mss_elite

    والله ياقلبي أنا من رأي تتوسعين وتسوينة

    أصلا بالغالب الحين ما يجون رجال وحريم بنفس الوقت

    يعني ياعزيمة رجال ياحريم ,,,

    وإذا فيه حريم دايم الزوج خارج البيت طول فترة العزيمة

    يعني مجلس واحد يكفيك ودام عندك مقلط بعد ومفروش خير وبركة

    يعني تقدرين تعشينهم فيه مافيه ضيق

    توسعي ووسعي على عيالك وزوجك

    والله ييسر أمورك :)
  4. @am_alhbyb_alghaly

    اختي النقيه ليه ماعندك مثلا صاله بحيث تخلين مجلس الحريم فيها وتخلين مجلس الحريم غرفه لعيالك
    والمقلط يظل على ماهو عليه
    او تنقلين مجلس الحريم للمقلط
    هاه وش رايك

تابعي تجارب أخرى من هذا القسم.