السلام عليكم
الموضوع ومافيه انا زوجي عنده وسواس نظافه ومطلع عيني بهل شغله
يعني اقولكم موقف صار معاي مره
مره من المرات قمت كنست البيت كله والممر ونظفته وصج يومها تعبت وانا انظف
المهم ليش ابو الشباب قام وراح للممر وشاف على الارض خيط صغير لونه ابيض والسجاد عندي لونه ازرق غامق
المهم
جاني الصاله قالي مانظفتي الممر
قلت والله نظفته
قال تعالي شوفي
انا قلت الحين بلاقي تراب من عند باب البيت
والا اشوفه ياشر على الخيط قلت شنو قال شوفي مومنظفه عدل
انا والله العظيم تمنيت بساعتها اكسر المكنسه على راسه ههههههه من القهر
المهم انا لانه تغير وجهي حسيت راح اتهاوش معاه
المهم
اللي سويته
رحت المطبخ واخذت بسكوت ورحت الممر وهو واقف وكسرت البسكوت على الارض
جان اقوله شوف الحين هذا اسمه وصخ ومانظفت
طبعا هو كان بيعصب بس ضحك بوجهي قالي صج مجنونه
والله ماتتصورون شنو يضايقيني بشغل البيت
ومرات لمن اتضايق منه اقوله مو عاجبك شغلي قوم اشتغل عبالكم يسكت ويقعد مكانه ابدا يقوم وينظف والله يقهرني مرات
بس شسوي مجنون وربي
الي عندها موقف مع زوجها على سالفت التنظيف تقوله
خليني اشوف ردودكم ياحلوات:35:
شاركي في النقاش
سجلي الدخول لإضافة تعليق.
التعليقات
69مواضيع مشابهة
تابعي تجارب أخرى من هذا القسم.