أوعوا تفتكرونى بأهزر أنا باتكلم جد

شوفى يا ستى...


المصحف 600 صفحه او 602 ..بالكتير 604 .... صح؟؟؟

(لو مش مصدقانى روحى بصى فى المصحف بسرعه وتعالى)

هاه.. طلع كام ..أوكي ... تعالى نكمل بقه
المصحف 600 صفحه على 30 يوم بكام يا عسل..؟؟...

يا ستى متعقدهاش الحسبه أبسط من كده 600 / 30 = 20 صفحة
..شفتوا سهله إزاي...


طيب يعنى فى اليوم 20 صفحه وإحنا عندنا 5 صلوات فى اليوم
يبقى 20 / 5 مظبوط أيوه كده
4 صفحات

يبقى إنتى لو قريتى 4 صفحات بعد كل صلاه يبقى فى اليوم هتخلصى 20 صفحه
يعنى فى الشهر هتخلصى القرآن مستريحة أوى

عايزة نصيحتى خليهم 30 فى اليوم يعنى 6 صفحات بعد كل صلاة علشان لو جيتى إنشغلتى فى يوم من الأيام ولا حصل كده ولا كده
يتعوض فى يوم تانى

إستنى الإيميل لسه مخلصش

إحنا هنهرج بقه ولا إيه ..
الدال على الخير كفاعله

شوفى بقه لو بعتّى الإيميل ده لكل أصحابك وختموا القرأن بسببك هيتحسبلك أجر
وثواب أد إيه...

ياااه ده إنتى تبقى ختمتيه كتيييييييييييييير أوى
يللا شدى حيلك عايزين
الناس كلها تختم القرآن كل شهر على ايدك

و ربنا يوفقنى لختم القرآن أنا كمان

35 تعليق 1,880 مشاهدة

شاركي في النقاش

سجلي الدخول لإضافة تعليق.

التعليقات

32
  1. صاحبة الموضوع
    مش عارفه ايه الخرابيط اللى طلعت قبل الكلام دى وجت منين؟ انجليزى ده ولا يمكن هندى؟ مش مهم خلينا فى موضوعنا أيه رأيكم فى الكلام؟

تابعي تجارب أخرى من هذا القسم.