كارهه نفسي وحاسه بالذنب لاني متضايقه
السلام عليكم غاليتي بنات حواء
انا اليوم رحت سويت سونار وقالت لي الدكتوره اني حامل ببنت وانا لله الحمد عندي ولد وبنت
ماادري ليه تضايقت لماعرفت اني بجيب بنت كان نفسي في ولد اسميه محمد لكن الله اراد كذه
وزعلانه من نفسي اني تضايقت لانه كله نعمه من الله واهم شي تمام الخلق والصحه والعافيه
لكن ماانكر رغبتي بولد ...قلت اجي افضفض لكم عشان اشيل الضيق اللي بصدري
خايفه ان الله يعاقبني عشاني زعلت ويصير بحملي شي لاسمح الله .....دعواتكم لي الله يرزقني باللي اتمناه
بصحه وعافيه ومن غير شر يارب ووالله مو كرها في البنات بالعكس بنتي زي العسل واموت عليها
هي واخوها واي بنت اشوفها بس ام زوجي مو تاركتني بحالي هذا وانا عندي وحده وبكري ولد
وتزن على راسي تبغى ولد ثاني والا انا وزوجي الحمدلله مبسوطين بعطايا ربنا لنا ونسأله تمام الخلق
لكن وش اقول من الضغوط اللي على راسي .....الله يعين ويقومني بالسلامه انا وكل حامل يارب