أي اعلانات المشاغل أكثر فعالية؟

السلام عليكم ورحمة الله وبركاته...

بنات أختي ودها تسوي اعلان في الجريدة للخدمات اللي في مشغلها علشان تحرك مشغلها (ادعوا لها) ويش رأيكم أي الاعلانات أكثر تأثير ؟ إعلان عام عن تخيضات شاملة مثلاً 50 %؟ أو تحدد الخدمة وسعرها بعد الخصم؟ أو أي طريقة ثانية تشوفونها لأن الرزق هالأيام على البركة وودها بس تغطي إيجار المحل اللي بعد حوالي 4 شهور؟

المشغل في شمال الرياض..

شكراً....

1 تعليق 2,038 مشاهدة

شاركي في النقاش

سجلي الدخول لإضافة تعليق.

التعليقات

1
  1. @alktkoth_2

    هلا قلبي

    ممكن قبل ماتسوي اعلان بالجريده تطبع براشورات اتوقع ارخص

    وتوزعها على بيوت الحي الي موجود فيه المشغل والمناطق الي حولها

    وتحط فيه قائمة الأسعار مع خصومات اذا كانت الزبونه بتسوي اكثر من شغله بوقت واحد

    واهم شي الأمانه وانه تجيب عاملات يشتغلون بذمه مو يتدربون على خلق الله

    ترا هذا مره له دور كبير في جذب الزباين

    وممكن تعمل له دعايه بين الأهل والصديقات

    واذا مانفع

    تعمل اعلان بالجريده

    نفس طريقة البراشور وتقول مثلاً فيه

    االسيشورا للشعر الطويل ب100 واذا سيشوار مع قص ب120

    مثلا كيذا

    وممكن هي تختار الطريقه

    او ممكن تحط خصومات خاصه لحامل الإعلان

    يعني ممكن تخلي نص السعر للي حاملين الإعلان

    ولمدة اسبوعين او ثلاثهاو حتى شهر ( نوع من جذب الزباين )


    وبعد كيذا كل فتره مثلاً تسوي عروض

    مثلاً ايام الأسبوع من السبت الى الثلاثاء تخلي االأسعار نص السعر يعني

    الشي الي ب50 يصير ب25

    فاهمه علي

    وآخر الأسبوع

    ترجع الأسعار عادي

    انا اشوف صالون عندنا قريب

    يسوي كيذا ومشاء الله عليه رزق بالهبل

    وطبعاً الرزق من ربي

    بس هي تسوي كيذا وان شاء الله ربي بيرزقها


    وممكن تتعاقد مع كوافير ولا مصممة ازياء تجي تعرض بضايعها عندها لفتره محدده

    وتصير لها نسبه

    وبنفس الوقت تحط عروض هالأيام وخصومات يعني ممكن تجذب الزباين

    وان شاء الله اكون افدتك لو شوي

    وتقبلي تحياتي

    ولا تنسوني من صالح دعائكم

    :27: ^الكتكوته^ :27:

تابعي تجارب أخرى من هذا القسم.