مستشفى الملك فيصل التخصصى...جده؟

أنا والدة فيه من سنة وخمسة شهور تقريبا
وكنت أتابع عند دكتورة عفاف ربي يسعدها
بالنسبة للمتابعات ممتازة عندهم حتى السونار ممتاز في كل زيارة تعمله بالتفصيل
والولادة عند دكتورة عفاف الحمد لله مرررررررررررره ارتحت وانبسطت ممتازة واخلاق ومتعاونة وتخفف عليك وتذكرك بالدعاء وتذكر الله بجد كان لها أثر كبير بعد الله في التخفيف عليا الله يسعدها فين ما كانت ويرزقها الجنة بجد عسولة والخياطة ممتازة ماشاء الله تبارك الله
بس بصراحة أحس طاقم التمريض الي كان في غرفة الولادة في الشفت الأول ماهم حنونيين ما ناسبوني كتير بس ما كان يهمني كتير لانو ماما وزوجي كانوا معايا بس ممرضات الشفت التاني من جنوب افريقيا ومررررررررررره كانوا عسولات وحبوبات..
ممرضات الغرف كانوا برضوا طيبات وحنونات ومتعاونات الحمدلله..
هادا الكلام كان من سنة وخمسة شهور زي ما قلت
وأنا حاليا ماشاء الله تبارك الله حامل وطبعا مرررررررررررررررررررررررررررره نفسي اولد عند دكتورتي عفاف بس المشكلة اولا اول كنا عالتأمين فكانت تقبل متابعة ووقت الولادة ندفع الفرق لكن الآن ما تقبل الا كاش متابعة وولادة فلسه بفكر من ناحية هادي النقطة وخصوصا انا يجيني ارتفاع في الضغط مع الحمل وصراحة تتعامل معاه بكل حكمة على عكس دكتورات تانيات ، والمشكلة التانية والي متخوفة منها اني لمن كلمتهم بدي موعد قلتلهم مين عندكم بجودة وكفاءة دكتورة عفاف قالتلي حقت الحجز يا أختي كل الأقوياء على قولتها خرجوا من المستشفى فصراحة أنا مررره خفت تكون ادهورت المستشفى الآن فبدي اعرف أحد ولد فيها قريب عشان اعرف كيف مستواهم الآن.........
عموما الله ييسرلك وييسرلي الخير وعارفة اني كترت كلام واظن هادا اطول رد اكتبوا في حياتي ان شاء تكوني استفدتي مني .....
سماء العز

سماء العز
مشكوره يا قلبي عالرد..
ماقصرتي والله..
ربي يسهل أمرك ويحفظ لك مافي بطنك ويتمم لك على خير!
امين يارب العالمين..

وينكم؟؟
معقوله مافي أحد يراجع في التخصصي؟:44:

الله يسهل ولادتك وين ما رحتي

عواسل..
قولي آمين جعل ربي يهون عليك ويسهل لك كل عسير..
ويسخر لك ويرفع قدرك..
مشكوره حبيبتي..