استفسار لكل المتواجدات ببريطانيا ( لندن )

هلا وغلا بكل العضوات الغاليات

حنا باذن الله مسافرين الى لندن سياحه انا وزوجي وبنتي

فحبيت تخبروني ايش الي بحتاجه من وجهة نظركم بنسكن بفندق كوالتي كروان بادنتغون عند محطة بادنتغون

1- هل شهر جون برد لان حنا جاين 4 جون وبنظل اسبوعين ؟

2- فيه اسواق حلوة ورخيصه او لا للملابس وللعطر وللهدايا للاهل ؟

3- هل مانشستر حلوة وتستحق نخصص يومين لها او ماتستحق الزيارة ؟

4- هل البيبسي والمشروبات فعلا غاليه مثل ماسمعت ان علبة البيبسي توصل 20 ريال سعودي؟

5- كيف اسعار حليب الاطفال ؟ هل اشتري لبنتي من هناك او اجيب معاي لانها تشرب حليب المراعي السائل ؟
فبيكون ثقل شوي؟

6- هل توجد مطاعم حلال ؟ وهل مطاعمهم السريعه فيها وجبات سمك او لا وكيف اسعار الوجبات بالمطاعم السريعه ؟ مثل ماكدونالدز وصب واي ؟ وهل فيها سمك وشرمب او لا

7 - ممكن تعطوني اسعار التذاكر لدخول الاماكن السياحية ؟

وتسلممممممممممون وربي يوفقكم ويردكم لااهاليكم سالمين
بس لاتبخلون علي باجابات وافيه وشاكرة لكم

4 تعليق 5,242 مشاهدة

شاركي في النقاش

سجلي الدخول لإضافة تعليق.

التعليقات

4
  1. صاحبة الموضوع
    افيدوني جزاكم الله خير

    ولو برفع الموضوع لين القى الرد ومشكوورين
  2. @mraya_3

    مرحبا أختي hur
    انا صراحه مو من سكان لندن لكن سبق ورحت لها
    اتوقع الشهر اللي بتجي فيه راح يكون الجو كويس
    لان من الحين بادي يتحسن الجو بس لاتنسي انك
    في اوروبا والجو مهما ارتفعت حرارته راح يكون بارد
    ودائما فيه مطر
    بالنسبه للببسي والمشروبات عامه مايتعدى سعرها
    15 ريال
    وهذا رابط يعرض المواقع الحلال في لندن
    http://www.zabihah.com/sp.php?l=london

    وفيه شارع العرب راح تلاقي فيه كثير مطاعم عربيه وحلال

    بالنسبه لمحلات الهدايا ما اعرف عنها شئ لانو انا اعيش بمدينه
    ثانيه راح اشتري لاهلي منها
    بس وين ما تمشي في لندن تلاقي محلات تبيع التذكارات وأشهر المعالم
    في لندن
    أنصحك تروحي متحف الشمع ولندن أي وشارع اكسفورد وريجنت

    بالنسبه لمانشستر فيها مجمع كبير جدا وحلو اسمه ترافورد

    أتمنى اني افدتك وان شاء الله الأخوات في لندن ما يقصروا معاك
  3. @alkryshy

    البنات كفوا و وفوا

    عن اسعار بعض الاماكن السياحية

    مثلا :
    لندن اي london eye
    الكبير : 17 باون
    و الصغير 8.5

    و امامه الاكواريوم تقريبا نفس السعر
    و امامهم على بعد خطوات هناك سنتر لعب داخلي
    يعني قاعة فيها مثلا سيارات تتصادم - بس خطييييرة - و العاب الكترونية اخرى مسلية جدا
    هذا الدخول اله مجاني لكن كل لعبة مثلا : 50 بنس او 1 باوند او 2 باوندس

    متحف الشمع ((مدام توسو)) الدخول 25 باوند و اعتقد الاطفال نصف السعر

    هذي اكثر الاماكن التي يرتادها السواح من كل مكان

    اجازة سعيدة و ممتعة ارجوها لكم

تابعي تجارب أخرى من هذا القسم.