فساتين في حياة مول ..رايكم يابنات/قديم

طيب ابي شي حلو نااااااعم ومميز

لاني مستحيل البس اللي فيه خرابيط واجد


ابي شي مميز

قولولي يابنات وين المميز والحلو

تبين الصراحة ..

بدري مرة تشترين من الحين
شهر ثمانية بعيد ويمديك تفصلين فستان فخم وراقي
باقل من سعر الجاهز وتتميزين فيه بنفسك ترى الجاهز بتجين تلقين غيرك كثير
وانت يمكن تشترينه بـ 1000 و2000 ويطلع بسوق ثاني بـ 500 ولا 800

وترى اقولك من تجربة نصيحة اذا معزمة روحي سوق الموسى ترى ارخص
من سوق حياة مول وكذلك روحي سوق مكة عندهم فساتين حلوة واسعارهم
ارخص من غيرهم .. واخر شيء اذا مالقيتي ارجعي لحياة مول ..
اذا انت مصممة على الجاهز اما اذا تبغين تفصيل وهذا الي انصحك فيه
اشتري قماش من الحين وفصلي وياكثر الاقمشة الحلوة والله بتحتارين من حلاوتها


والله يوفقكم ويسهل اموركم

هلا رهوفة

بس التفصيل أخاف مايضبط

طيب وين افصل في مشغل والا عند خياط

ومثل ماقلتي الجاهزغشاشين

مرة اشتريت انا وخواتي من مارينا مول بالدمام فساتين

الواحد قيمته فوق الالف

ويقول لنا انه قطعة وحدة بس مافيه مثله

المهم يوم رجعت الرياض رحت لصحارى مول

واشوف محل فساتين جايبين بضاعةجديدة

بكراتين

ويدخلونها وانا اشوف نفس فساتين خواتي

ليته واحد والا اثنين الظاهر 12:mad:

من رأيي استني ولاتستعجلين بتنزل بضايع جديدة ان شاء الله وبتلقين خيارات اكثر قدامك وقت



ابغى اسأل بعد اذنك صاحبة الموضوع وش الماركات اللي عندها ؟