تكفون ادعولي بسوي تحليل منزلي بعد ساعتين

ياااااااااااااااااااااااارب تشوفين الخطين وتشوفين ولدك بحضنك سايم ياحي ياقيووم

بنات مشكورين انكم دعيتو لي


بس راح زوجي الصيدليه وطلعت مسكره من العصر هني نظام اوروبي ايام العطل السبت والاحد يسكرون بدري


لاتشوفون وجهي لمن قالي زوجي ماشريت لانها مسكره قمت اصيح حيل بس دشيت على طول صليت ومن كثر البكي ماقدرت اقوم من الصلاه وعيوني سكرت من كثر ماعورني راسي من البكي قالي باجر يشتري لي


بس خايفه وماتتصورون المغص اللي بمعدتي من التوتر شلون صاير



الله يرزق الكل ويرزقني ويرزق كل محروم من الضنا اللهم امين


اكيد من يصير معاي شي بقولكم



تبون الصج انا هل شهر وايد شفت احلام تبشرني اني راح اكون حامل واكثر احلامي انها كنت مساكه فواكه بايدي حبتين مثلا منجا لونها اخضر بايدي


والحلو بالحلم انه انا واختي من ابوي هي ماسكه حبه وحده منجا وانا ماسكه حبتين منجا وحاطين المنجا مكان البطن وماسكينها حيل ومستانسين حيل


وصج اختي الحين حامل بالشهر الرابع


وانا الله اعلم


بس مادري عندي احساس اني موحامل مادري ليه

او بالاحري صرت مجهزه نفسي للصدمه اني موحامل

بس مافي شي بعيد عن رب العالمين كل شي بيد رب العالمين قادر على كل شي ويرزق من يشاء بغير حساب



ادري طولت عليكم بس الحين الساعه عندي 1 :45 دقيقه وموقادره انام افكر قلت بنطر شوي لي قبل اذان الفجر بساعه اقعد اقرا قران واستغفر واصلي شفع ووتر وبعدين اصلي الفجر واتوكل على وانام لان كل شي بيد رب العالمين ان كنت حامل او لا


لا اعتراض على حكم رب العالمين



اللهم لاتذرني فردا وانت خير الوارثين



دعواتكم يابنات



استغفر الله واتوب اليه من كل ذنب عظيم


بسم الله الرحمن الرحيم



(الله لا اله الا هو الحي القيوم لاتاخذه سنه ولانوم له مافي السموات ومافي الارض من ذا الذي يشفع عنده الا باذنه يعلم مابين ايديهم وماخلفهم ولايحيطون بشيء من علمه الا بما شاء وسع كرسيه السموات والارض ولا يؤده حفظهما وهو العلي العظيم)


صدق الله العظيم