بنات الرياض الله يعطيكم العافيه جاوبوني

السلام عليكم ورحمة الله وبركاته

كيف الصحه ؟

حبوبات ابي اماكن حلوه اقدر اتمشى فيها وخصوصا

ان اهلي عندي وابي امشيهم ومااعرف اماكن حلوه

وستار سيتي كيف نظامها من ناحيه النساء والرجال؟ وفيها عوائل؟

لان كل الملاهي يارجال يانساء :mad:

وبعدين ابي اسواق حلوه واسعارها معقوله ومطاعم حلوه

معليش كثرت اسألتي بس والله طفشت ومااقدر اسافر هالاجازه :44:

فممكن تساعدوني باماكن حلوه سواء حدائق ملاهي منتزهات ....... الخ

كل وحده تكتب اللي تعرفه ...



ودمتن:27:

9 تعليق 967 مشاهدة

شاركي في النقاش

سجلي الدخول لإضافة تعليق.

التعليقات

9
  1. @sweet_and_spice

    ستار سيتي ما فيها عوايل
    حديقة الحيوانات عوايل:الثلاثاء- الاربعاء-الخميس - الجمعة
    افضل شي لجو الرياض الاسواق المركزية :امملكة - الفيصلية -حياة مول - العثيم مول(لسة مارحتله)
    مطاعم اسعارها معقولة: الفخار - امونة
  2. الأسواق عندك الرياض غاليري وغرناطة وحياة مول وصحاري والمملكة والفيصلية
    والمطاعم يعتمد وش الأكل اللي تحبينه لبناني إيطالي هندي
    الرياض كلها أسواق ومطاعم وكوفيات طبي وتخيري
    الملاهي أنا ما أروح لها علشان كذا ما عندي خبرة
    التمشيات روحي الثمامة وحديقة الوطن
  3. صاحبة الموضوع
    مشكورين حبايبي بس ممكن اعرف وين اماكنها امونه والفخار

    وحديقة الوطن ؟

    ماقصرتوا الله يجزاكم الجنة
  4. @sweet_and_spice

    امونة و الفخار جنب بعض و هم على شارع الثلاثينعند تقاطع التخصصي
    حديقة الوطن بجآنب مبنى التلفزيون ....

تابعي تجارب أخرى من هذا القسم.