صدمتي في قسم الفتياااااااااااات !!!!!!!!!انصدمت صدمة

انا جاني اكتئاب من هالاقسام اللي تبي تتزوج واللي تطلقت واللي تهاوشت مع زوجها :(

بجد انا ادخل هنا عشان اوسع صدري ألقى الكل يشتكي صح كلنا نتمنى نتزوج وندعي ونحلم بس عاد خلونا نفلها الحياه مو كلها زواج :icon33:
يعني ألحين لو ما جانا عرسان :arb:نجلس نصيح ونحول ع ارواحنا بجد ما يصير كذا بنات خلونا متفائلين اكثر ومثل ما قالت اختنا بسيطه لوريكم خلونا نطور اروحنا نغير شوي من هالاجواء ما ننكر اننا نبغى نسعد بحياتنا ويكون لنا بيت وزوج واولاد بس عاد ما بيدنا الا الدعاء وانا نوقف ويا بعض كأخوات نشغل اروحنا شوي بشي حلو ومفيد ..
ودايم قولوا أللهم ان كان في زواجي خير فيسره لي وعجله وان كان شر فأصرفه عني وابعده كما باعدت بين المشرق والمغرب

الله يسعدكم خلونا نكون يد وحده ننسى كلمة زواج بس عاد مو مره مره بس ننشغل عنها شوي بأشياء وافكار حلوه :27:

اعذروني اذا غلطت بكلامي او اخطيت وصححوني انتوا خواتي :39:

حبيبتي لاتلومين البنات هذا مشاعر حقيقيه
لايستطيع احد إخفائها
ونقول الحمد لله رب العالمين على اللي كاتبه ربي لنا
وكل تاخيره فيها خيره

لكن مايصير نهاجم البنات ونقولهم لاتفكرون في الزواج وعيشوا حياتكم
يمكن ياقلبو انتي ماوصلت لسن الخطر
عشان كذا اقولك مو حاسه بغيرك
مثلا انا كملت دراسة الجامعيه واخذت دورات ودخلت تحفيظ وجالسه بالبيت
ماعندي اي علاقات اجتماعيه على اني احب الفرفشه
لكن ماعندي اصلا بنات في سني من اقاربي
وش تبيني افكر فيه
مثلا انا بقولك ليه تدخلين قسم الازياء
وانتي داريه ان تالي العمر بتنلفين بقطعه قماش ابيض ساده
وتنحطين بحفره ضيقه وهالازياء ماراح تفيدك بشي لو اشغلتي نفسك بشي مفيد يكون احسن
على الاقل الزواج ستر للبنت من هالفتن الي نشوفها فضلا عن ذلك سنة من سنن النبي صلى الله عليه وسلم
الزواج نصف الدين مو الازياء
اذا ماتت الوحده وزوجها راضي عنها دخلت الجنه
واذا ربي رزقكك بالذريه الصالحه
بيصيرون يدعون لك اذا توفيتي
ويكون لكم عمل ماينقطع بعد موتك
اذا انا محبوسه بالبيت لاطلعه ولاروحه واهلي مو اجتماعين
واذا انا ماتوظفت واحس اني اكتفيت من التطور اللي تقولون عنه
ماتبين افكر بزوج صالح اكمل اللي بقى لي من عمر
يالغلا قولي الحمد لله لاربي يبلاك
خلوا الناس تحكي عن اللي بخاطرها
ولاتحاسبون الناس على شي مالهم ذنب فيه:44:
يعد الدراسه والدورات وهذا كله وش تبيني افكر فيه:icon33:

اول شي موضوع حلو يا اختي يمكن اننا بالغنا في التشكي بس عندي كم سؤال اذا ماعندك مانع اول شي ولو ان فيها لقافة لكن كم عمرك ياقلبي؟ ثاني شي انا معك لازم اطلع وادخل واطور نفسي واخذ دورات بس وش تسوي اللي مادياتها على قد الحال وحتى لو عندي ماديات مافيه اللي يودي الوالد متوفى الله يرحمه ومافيه اخوان رجال والاخوات كلهم متزوجات ومعيلات وكلن لاهي في حياته والعم طفشان منك يقول لاخواتك بالحرف الواحد دوروا لها على معرس طيب وش تسوين لما تتزوج قريبتك ام 15 وبعدها بشهر تتزوج الثانية ام 18 وانيت كنت تشيلينهم وهم صغار وتلعبينهم لا والحين شافوا نفسهم عليك والادهى والامر ان اهلك يحفلونهم ويوجبونهم ويجبرونك تحضرين زواجاتهم وهم امس بس كانوا يخلونهم ياكلون على سفرة الصغار عموما كل هذا مو مهم لكن اذا وصلك كلام الناس عنك وانتي يعلم الله ماقد سويتي لهم شي هذا وش تفسرينه؟؟؟؟ برضو هذا مو مهم بس بالله عليك اذا كانوا اهلك ناس جافه ماسمعتي منهم كلمة حلوة وهالشي كل خواتي عانوا منه لدرجة مرة اختي الكبيرة تقول لصاحبتها انا اول زواجي اتشكى لخواتي من الزواج وانا طارية فيه بس عشان ما اكسر خواطرهم تخيلي الحين كل خواتي تزوجو الا انا وكل وحده عندها مشاكل بس اللي اتفقوا عليه انهم معصي يرجعون لبيتنا لانهم عارفين وش ينتظرهم واخيرا لنا متنفس واحد هو هذا المنتدى نقدر نفضفض فيه براحتنا بدون ما احد يقول عيب وحرام ويا خزياه بس شكل حتى الفضفضة ممنوعة الله المستعان

لا تلموينهم لا وضيفه ولا زواج وكمان يمكن اللي في البيت مو فاهمينهم مايتواصلون معاهم وهذي مشاعر اي انسانه يمكن ماتقدر تطلعها لاحد من البشر ,,,بس هنا في المنتدى تفضفض وتقول اللي في خاطرها

انا اشكر كل وحدة اعطت رايها بالموضوع

وشي جميل انه في مساحة للحوار بيننا وانتم مثل خواتي وحاسه فيكم

لكن اللي كنت باوصله ان هذه الاشاء رزق بيد الله ومحد يقدر يقول متى وكيف الوحده تتزوج

انت ما عليكي غير الدعاء

لازم تعيشون حياتكم الحياه قصيره لا تهموا نفسكم بشي بعلم الغيب

زي ماقالت ما تدري الزواج خير او شر لكي امكن تتزوجين وتتبهدلين اكثر

انا يهمني كل البنات مو بس بنات عالم حوه يكونوا مستانين وعايشن حياتهم بالطول والعرض

والغيب اتركيه لربك لا تتدخليه فيه ادعي وبس

واخيرا

وكان قصدي تكون المواضيع رفاهية لنا ..........تنسينا مو تزود علينا


وشكرا