ولدت والحمدلله ... وهذي قصة ولادتي *_*

مرررررررحبا حووامل وامهات ان شاء الله تكوونوو كلكم بخير وبصحه

ولدت على خير والحمدلله .. وجبت احلى بنووته بالدنيا حتى احلى من بناتكم :35:>> القرد بعين امه غزال

فديتها ههههههه تجنن ماشاء الله ( طالعه علي ) >>> اخلصي بس

الله لا يحرمني منها

وببدأ اسرد لكمـ قصتي :35: واللي صار معي بسم الله انا طووفت المدهـ ورحت اراجع عند الدكتوورهـ

طبعا انا كنت اراجع بمستشفيات حكووميه المهم رحت الاربعاء عند الدكتوره قلت لها طووفت ومافي ولادة

ولا حتى الآم ولاده قالت لي انتظري ثلاث ايام اذا ولدتي ولا تعالي قلت لها اوكي وقالت فيكي تصبري اسبوع

كامل طبعا رجعت وانا حاطه ببالي اني بصبر هالثلاث ايام وبعدها مااقدر لأني وحده من قريباتي طوفت


ومات الجنين ببطنها وكان كل همي وخوفي من هالموضوع جيت وسألت امي قالت اصبري اسبوع قلت لها لا >>ا اجل ليه تسأليها

المهم رحت بعد ثلاث ايام وانا مااحس اي الم مبسووطه وبخير وبصحه دخلت عند الدكتوره وكنت على اخر لحظه

بطلع وبرجع لهم السبت كان هذا الاربعا اللي فات الا ويجي دوري على اخر لحظه وادخل كانت في دكتوره هنديه

مره عسل المهم انا رحت على بالي وعلى حسب كلام الدكتوره انهم بس بيتطمنون عالجنين بالسونار وبرجع البيت

>> بكريه خبله

الا وتقولي الدكتووره ذي انا في كشف :35: قالت يلآ قلت لها وشو بطن هههههههههههههههه وهي تضحك

قالت لا ماما بس عرفت اني مااعرف شي كشفت واللي تفاجأت ان الرحم فاتح 4 سانتي قالت ماشاء الله انتي

في ولاده اليوم ان شاء الله قلت هاه قالت ايوا انتي في ولاده وانا من هبالي قلت لها مافي الم انا بطلع البيت

وهي ترجع وتضحك قالت لا مافي يطلع بيت بعدين انا مسؤوول قالت ماشاء الله ان شاء الله يوصل 9 سانتي

وانتي مايحس بشي انا انبسطت افكر الولاده عوافي ههههههههه رحت لغرفة الولاده بإختصار جلست ساعتين

وهات ياكشوفات وصل 7 سانتي وانا ولا احس بأي الم تخيلوو جا الدكتوور وانا من الصبح ادعي انه مايولدني دكتوور

بس كان مره محترم اقنعني اني اسوي طلق اصطناعي قلت لهم بطلع البيت قالو لا لازم تسوين تخطيط نتابع حالة الجنين وحالتك ولا انتي المسؤوله شافوني مو فاهمه مصلحتي اقنعوني اني اسوي طلق اصطناعي ابره مو تحميله

على قولة الدكتور مفعولها مايجي بسرعه مثل التحميله جلست ساعتين ونص الا والالم فجأه يجي وكلهم قاعدين

يمدحوووني اني مااصارخ وصل الرحم 8 سانتي وانا مااحس الا بألم خفيف كانوو مستغربين يسألوني ماتحسين بألم

كل شوي يسألوني المهم فتح 9 والالم يجي فجأه وانا خلاص طلع صوتي الم فضضضضضضضضضيع بعمري ماحسيت


بنصه ولله الحمد واصلا ضغطي منخفض الا وفجأه بدأت نبضات الجنين تنخفض اانا اسمع النبض حسيت انه انخفض

الدكتور يكلم السسترات بالانجليزي يقولهم لازم نسوي عمليه انا لقطت كم كلمه صحيح مافهمت الكلام بس اللي

فهمته ان الجنين في خطر قلت لهم انخفض نبض الجنين صح قالو لي لالالالا بالعكس نبضه كوويس وان شاء الله

بتولدين طبيعي انا بدأ يزيد عندي الالم وصوتي بدأ يرتفع والله مو بيدي ماكنت اتخيل نفسي بصير كذا

:icon33:سبحان الله ابن اآآدم ضعييييييف بسرعه بدقايق ينهار كلمت اهلي قبل بربع ساعه عآآآآآآدي ولا فيني شي

وفرحوا اني وصلت لهالمرحله وانا مااحس بألم بعدين قررو يسوون لي عمليه وبدون مايسألوني مسكو يدي وبصموو

لي على ورقة انا بذيك الساعه مديت لهم يدي لأني كنت خايفه على الجنين ماكان تفكيري بأي شي وكانت ثقتي

بالله كبيره انه ماراح يصير الا اللي كاتبه ومن ثم حسيت ان الدكتور فاهم وحاولو يولدوني طبيعي بس مافيه المهم

انا اروح اتصل على اهلي وانا اصارخ ماقلت شي الا اقولهم بسرعه تعالو عمليه مااقدر اتكلم ذيك الساعه امي خافت

على طول اهلي جوو ووقع زوجي على عمليه ودخلت غرفة العمليات واغمض عيوني عشان مااشوف مقص ولا

شي واخاف لاني ماكان بقلبي اي خوف من الموضوع الا ودكتوور البنج يقولي هاي انا ذيك الساعه ادعي بصوت
عالي حتى الدعاء ماعاد والله اقدر ادعي بقلبي من الالم وسبحآن الله والله يابنات كل مااجاتني الطلقه قالت لي وحده اقرأ

سورة الفاتحه وامسح بطني والله احس انها مثل المويا البارده احس بررراحه المهم سوو لي العمليه وخدروني طبعا

تخدير كلي والحمدلله ماطولت وانا مبنجه لأن امي تجلس ثلاث اربع ساعات اذكر حتى هي تقولي ووحده ثانيه قالت لي

واول ماصحيت اسأل على بنوووتتي اسأل امي وش جبت وكيف صحتها ووين هي وحلوه واسئله كلها عن قلبي بنتي

كنت اكذب الحريم لما يقولون لي بتنسين الالم لما بتشوفين بنتك او ابنك افكرهم مايبغون يخوفوني لكن والله من جد

تحسين انك معك الدنيا اذا ابنك او بنتك بصحه ... وسلامتكم طولت عليكمـ ...

بس والله الحمدلله الحمدلله على اللي شفتهم بالمستشفى صراحه ولادتي سهله على رغم التعب بس

احسها ميسررهـ ... واقول لكل بكريه خليها على الله وربي بيسهلها من عندهـ ...سبحآن الله

والسمووحه اذا طوولت ...