بنات تعالوا نتساعد بأبسط نظام للنفاس تكفووووووووووووون الجميع

مرحبا يابنات

بنات انا ناويه استخدم نظام بس ابغاه مبسط بشكل كبيررررررررررررررر
صراحه مااحب الخرابيط الكثيره

تعالو نساعد بعض

اول شيء القهوة :
استقريت على
قهوة القشر مع الكمون ويانسون ونانخه وقرفه وزنجبيل هذي بخلطها مع بعض

كوب حليب مع ملعقة عسل وحلبه (الصبح )) لمدة 10 أيام فقط
وخايفه من الحلبه لاتزيد الوزن (( ياليــــــت تفيدونا لاني ماابغى السمنه )) ** يمكن الغيها من القائمه

تمر مع رشاد في ال20 يوم الاخيره

بذرة الكتان مع زبادي
ملعقة الصبح مع ملعقة زبادي
وملعقة الليل مع ملعقة زبادي
لمدة 20 يوم فقط (( الاخيره ))
هذي حلوه انا شفت عمتي ماطلعت من النفاس الا وهي نحفانه بشكل


غير كذا ماادري وش استخدم اذا عندكم اشياء بسيطه ومفيده ياليت
خصوصا لتنظيف الرحم وشدها
والبنات اللي يستخدمون المسك الاسود ( مسك الطهاره ) في النفاس متى يستخدمونه بالضبط

يالله يابنات ابغى تفاعل خلونا نفيد بعض بأسهل الطرق

9 تعليق 2,196 مشاهدة

شاركي في النقاش

سجلي الدخول لإضافة تعليق.

التعليقات

9
  1. @mn_ly_ghyrk

    هلا اختي

    لما ولدت ماستخدمت نظام معين بس بعدت عن الاكل الزج

    تركت البارد وماي ماشرب الا فنجان قهوه اذا عطشت اشرب مره

    وكلت تمر مع رشاد وحبة البركه وشربت حليب واكل دوافي عصيده

    احاول ما اجوع وبس واخر عشر ايام خذت من الصيدليه التحاميل السود

    يوم ويوم والحمد لله كل شي تمام ادفي نفسي عن البرد

    موفقه اختي
  2. انا استخدمت اشياء بسيطه مره والحمدلله النتيجه تمام..

    اول عشرين يوم ملعقه الصبح من حلبه مطحونه مع ماش..ادفعها بحليب محلى بعسل وشوي حبه سوداء..
    طول اليوم اشرب مغلي قشر القهوه + شمر+ كمون+زعتر
    مع الحرص على اكل الاشياء الحاره والدافئه
    ماكل خبز ابد بس قرصان والاشياء البر..
    اخر عشرين يوم.. خلطت ماش مع زنجبيل مع فلفل ابيض اكل ملعقه الصبح وادفعها بحليب محلى بعسل..
    واشرب قشر رمان..
    ونفس الشي خلطه قشر القهوه..
    وتمر مخلوط برشاد.
    وعلى فكره ترى التمر مره حلووو.
    وبس الحمدلله تمام

تابعي تجارب أخرى من هذا القسم.