انا خذت الكورس مرتين طبعا المره الاولى برغبتي والمره الثانيه انا جنيت على نفسي وغلطت غلطة عمري لما سويت ليزر لوجهي وطبعا الليزر اخل بنظام الدهون في بشرتي ودكتورة الجلد الله يسامحها مانبهنتي لما شافت بشرتي حسست الظاهر كان غرضها مادي...بعد ثالث جلسه شفت بشرتي صارت تخرع من الحبوب رحت لدكتور جلد ثاني واضطريت استخدمها مره ثانيه بناءا على طلبه..:icon33:
لكن الحمدالله بشرتي الحين ماتطلع فيها ولا حبه حتى وقت الدوره لان قبل وقت الدوره دايم ويهي ينملي حبوب ..
الشي السلبي واللي قدرت اتداركه مع التجربه الثانيه للكورس هو جفاف الجسم والشعر..لازم يابنات الترطيب الدائم للجسم بزبدة الكاكاو او الشيا + الشعر لان الفورة تجف مما يؤدي الى سرعة تساقط الشعر يعني كل ويكند حطوا اي نوع من الزيت لمدة ساعتين على الاقل..:27:
والشي الثاني انها ترفع الكوريسترول في الدم يعني يابنات لازم تحليل دم دوري لمراقبة ارتفاعه..
اي ومعلومه قالي عنها الدكتور ان مفعول الحبوب يظل شهرين في الجسم من انتهاء الكورس..
وشكرا
تجمع لكل من تستخدم الروكاتان حاليا واللي خلصو خطو تجاربكم 3
متابعة النقاش، صفحة 18