أحسن مستشفى ولادة بجدة .....وأحسن طبيبات ولادة >> يوجد موضوع مثبت

اخواتي اللي بيسألوا عن الالماني ماانصحكم ابدا بالولادة فيها المشكلة مو في الدكتورات المشكلة في سياسة المستشفى اللي تداري وتخبي كل شي انا عن نفسي عندي تجربة مرررررررررررررررريرة مهم ادت الى اصابة ابني بالصرع بسبب الشفط ونقص الاكسجين بدون علمي اوتبليغي واكتشفنا الموضوع بعدها بخمسة شهور وادعولوا ربي يشفيه عمره 5 سنوات وعمره العقلي 6 اشهر والحمدلله .
المهم انا عن نفسي بعد كده صرت حريييييييييييييصة وادور احسن المستشفيات ومالقيت احسن من التخصصي كل شي فيها روووووووووووعة الدكاتره الممرضات الخدمة الغرف الفخمة (اجنجة ملكية ) مستشفى مجهزة بكل التجهيزات اللازمة واحسن الاطباء عثمان سندي و البندقجي
وااالطبيبات عفاف وسما ناظر
اما عن فقيه اسمع عنها كل خير وخاصة سحر
المتحدون دكتوراتها راهم خايبين بالمرة واهم شي عندهم الفلوس عشان كده دايما يولدوا قيصري سواء عزة او مروة اوامال شبكشي بس الدكاترة فيها ممتازين مثل هشام رمضاني وهشام عرب وحسان عبد الجبار اسمع عنهم كل خير
والله يولدكم بالسلامة كلكم وانا معاكم انشاالله تراها الولادة الثالثة ماشا الله ولدت المرة الماضية بالتخصصي وارتحت على الاخر
واللي تبغى ارقام المستشفى او اي معلومات زيادة تراني خبرة في المستشفيات اللي بجده كلها الله لايوريكم شر انشاالله .

الأخت :انامين

جزاكِ الله خير على المعلومات الحلوة عن مستشفى التخصصي طمنتيني الله يطمنك ويسهل عليكِ الولادة.

لكن يا غالية حبيت أسألك عن الدكتورة سماح محمود (أخصائية مصرية) طبعا في بداية الشهر الثامن بدأت أراجع عند التخصصي ودائما أحجز عند د/عفاف وسبحان الله لم يرد الله أن أدخل عندها أحيانا تكون عندها ولادة وأحيانا زحمة كثير فيحولوني على د / سماح
والآن دخلت التاسع وشكلي حأولد عند سماح بصراحة تعاملها جدا راقي ومريحة جدا وهي خدومة وذوق في الكلام لكن الولادة ,,,,, الله أعلم كيف ولاداتها؟؟
الله يسعدك يا أختي انامين لو تعرفي عنها أي شيء خبريني,,,,
وإذا حسيت بآلام الطلق هل ممكن أن أطلب د عفاف تولدني وهي ما عمرها شافتني؟
ولاّ لازم الدكتورة المتابعة لحالتي هي التي تولدني؟

وجزاكِ الله خير ونوّر قلبك بطاعة الله.

عزيزتي انامين : ممكن اعرف اسعار الولادة في التخصصي
وانت مجربة الدكتورة سما ناظر والا سامعه عنها بس
وياليت تعطيني معلومات عن ( مستشفى المستقبل )
ياليت اعرف افضل دكتورة فيه وكمتكلفة الولادة فيه ..

ام اسما 2 اسفه على التأخير في الرد شوفي دكاترة التخصصي كلهم ممتازين وانت احسن بدل ماتروحي على طول تسوي موعد قبلها بس ترى دكتورة سماح ممتازة انا ولدت عندها المرة الماضية جزاها الله كل خير لان المشكلة ان تاميننا الطبي يغطي دكاترة المستشفى بس والدكاترة الثانيين يأخذوا زيادة عن الولادة ومادري انت تبع تأمين ولا على حسابك الخاص وترى حتى لو ماكنت تراجعي عند عفاف وطلبتيها وقت الولادة تجيك بس انا شخصيا اشوف ان المتابعة اهم شي لانه لاسمح الله كان في مشكلة ولا شي لازم تكتشف من بدري اذا كانت الدكتورة شاطرة وفاهمة وارجع واقول كل شي بيد رب العالمين والولادة تساهيل فالله يسهلها علي وعليك وعلى نساء المسلمين رقم المستشفى 6677777 اتصلي عليهم يعطوك كل التفاصيل اللي ودك تعرفيها وممكن يحولك على الطبيبة اللي تبيها تسأليها بنفسك وتطمني احسن .

عروس البحر الاحمر انا كنت اراجع عند دكتورة سما ناظر طول اشهر الحمل وهي ممتازة ودكتورة في الجامعة ترى بس ماولدتني لانه لها حساب خارج حساب الولادة في المستشفى فاهمة علي زي هشام رمضاني وهشام عرب وفاطمة الغامدي وغيرهم وسعر الولادة حسب اذا كنت منت تابعة لشركة تامين وكلها على حسابك الخاص 6000 الاف ريال شاملة الاقامة يومين والتطهير للطفل اذا كان ولد اما اذا كان على تأمين فتدفعي فرق بسيط جدا حسب نوع الشركة وهذا رقمهم للاستفسار 6677777
اما عن مستشفى المستقبل فماسمعت عن احد ولد فيها تعبر مازالت جديدة وغير معروفة لكن بسألك وارد عليك اتمنى اكون نفعتك بشي والله يقومك بالسلامة انشا الله