السلام عليكم
فيه موضوع يقرقع بقلبي وحبيت اتناقش معاكم فيه
بالنسبة للي عندها أخوان .. إذا خطبتوا لهم وماكان فيه نصيب تدقون وتعلمونهم ولا تسكتون
لأن هالحركة صارت معي مرتين .. ولي الحين اسبوعين من انخطبت ولا حس ولا خبر
طيب وش بيضركم لو دقيتوا ؟؟
وانا ادري ان كل شي مكتوب ومحد ماخذ الا نصيبه بس والله استغرب لاني الحمدلله الكل يمدح فيني
من جميع النواحي والكل يتوقع اني اخذ واحد على مستوى وانا مو من النوع اللي يتشرط كثير اهم شي انه
يكون اخلاق .. ولي فترة وانا اقوم الليل وادعي الله بعدين رزقني الله هالخاطب اللي ماشفت الا غبارهم والحمدلله على كل حال اللهم لا اعتراض .. بس اني في حالة نفسية ما يعلم فيها الا الله الله يفرج علي همي ويعجل برزقي ..
والله اني ساعات اشوف المتزوجات وهم كبري واصغر مني ولا حتى اكبر واقول الله يوفقهم بس انا وش ناقصني عنهم
وانا والحمدلله مازلت اصلي الليل وادعي ربي وادري ان سهام الليل لا تخطئ وانا موكلة امري للي ماتنام عينه
واللي بيده تقسيم الارزاق .. بس انا لي كلام لها الناس اللي مايعجبهم العجب والله بكرة بتلقون هالشي في بناتكم راعوا
شعور البنات ولاتكسرون بخواطرهم ولا تجي الوحدة وتجر وراها بناتها كنهم جايين يتفرجون على مزهرية .. وبعدين يهجون لا حس ولا خبر.. بس مااقول الا حسبي الله ونعم الوكيل
دعواتكم بنات..
شاركي في النقاش
سجلي الدخول لإضافة تعليق.
التعليقات
102- اهم شي انك مستخيرة ونصيبك بيصيبك اذا ربي كاتبه
وعادة اذا الناس جو يشوفون وراحو ومارجعوا يدقون معناتة انهم صارفين النظر
بس مرة ثانية اكتفوا بنظرة الولد لا تعطون الاهل وجه
الرجال نظرته غير الحريم
الحريم مايدخلن في شي الا يخربنه - اتوقع اذا ما ردو ما فيه نصيب
الله يوفقك ويرزق الزوج الصالح
صادقه الله يهدي بعض الناس يحط شروط تعجيزيه
واخر شي تحصلين ولدهم اخذ عكس الشروط كلها
خليك وااااااااااثقه من نفسك لان في الاخير الزواج قسمه ونصيب - الحمدلله انا مقتنعة ان نصيبي بيجيني بس شي كاتم علي وضيق صدري
يعني تدقون كم مرة عشان الشوفة ويوم تحصل لكم حتى ماتعتذرون مااقول الا حسبي الله ونعم الوكيل
والله انك صادقه في نقطة الشوفة تكون من الرجال بس هنا لو كان رفض بيكون يجرح اكثر
اللهم اني أسألك في آخر ساعة من نهار هذه الجمعة ان تيسر لي اموري وتتممها وتعجل رزقي ورزق بنات عالم حواء
إنك على كل شيء قدير - شوفي هم مايتصلون لأن بعض الناس يشوفونها صعبه واحراج انهم يقولون مالنا نصيب عندكم...... عشان كذا يفضلون مايتصلون وانتم بعد كذا تفهمومها ان مافي نصيب..
وياحبيبتي لو لك نصيب بتاخذينه ولو مالك نصيب صدقيني ماتاخذينه .. ريحي قلبك النصيب جاي واستبشري يالخير يالغاليه بتوفيق :) - الله يفرج لك يارب
مواضيع مشابهة
تابعي تجارب أخرى من هذا القسم.