تدقون أو لآ..؟؟

انا اللي اعرفه يدقون اذا فيه نصيب واذا مافيه عشان البنت ياعيني ماتتعلق انا اللي محاسيتك ههههههه صارت الخطبه بعدها دقوا قالوا مافيه نصيب على طول من بكره صح تضايقت شوي بس احسن مايعلقوني

وفيه ناس اذا صار مافيه نصيب ماتدق تستحي

الله يعوضني ويعوضك باللي احسن منهم عاجلا غير اجل يارب

رجعت لك يا قلبي

انا مجربه نفس شعورك وسبق ومريت بهالموقف ثلاث مرات وكل اللي طلعت عليهم اقسم بالله اني افوقهم بجمالي واناقتي الحمد لله مانقصني شي وازيدك من الشعر بيت والموقف اللي مهوب موقفك الله لايحطك فيه ولا كل مسلمة مرة ناس شافوني واعجبتهم وشافني ولدهم ونفس الشي صلحت له قالوا امهلونا كم يوم وبنجيكم نخطب رسمي ونتفق وكانوا في نفس الفترة داقين ناس غيرهم يخطبوني قمنا اعتذرنا من الاخييرين علشانهم قالت امي خلاص البنت خاطبينها ناس قبلكم وخلاص استرزقت
على اساس اننا صلحنا لبعض المهم انتظرنا الاولين اسبوع اسبوعين شهر شهرين والان لهم اكثر من السنتين وماردوا علينا او اعتذروا وفي الاخير طاروا المعاريس كلهم هههههههه يعني تعشمت بقوة واستقبلت التبريكات والتهاني بها المناسبة وفي الاخير فاح الماء وطار الديك
تخيلتي صعوبة الموقف لا وكان عندهم علم ان فيه واحد متقدم معهم واعتذرناه علشانهم
مريت في ذيك الفترة بقهر من تصرفهم وجتني ضيقة صدر بغت تفقع قلبي
الله حسيبهم الناس ماعاد فيهم حياء ولا مروءة قلعتهم بس على الاقل اعتذروا عييييب الحمد لله اللي ربي كاتبه لنا ونصيبنا مابعد ربي ساقه واذا ساقه ربي وكتبه والله لو يجتمعون اهل السموات والارض علشان يردونه عنا ماردوه
فتوكلي على الله
وترا على فكره بعض خوات الولد او اهله اذا شافوا البنت احلى منهم مابغوها خايفين تغتر او ما يبونها تكون احسن منهم
(غيرة حريم )
وفي الاخير يكون في الامر خيرة وان شاء الله زلو عن اللي ابرك منهم لاتضيقين صدرك الشعور صعب مجربته مايحتاااج بس الحمد لله اهون من اخذ ولدهم واتورط فتاكدي ان ربي مختارلك الاصلح لك
انا مايقهرني الا هالحريم اذا حشرن انفسهن وفرضوا رايهن ولا وش دخلهم ولدهم اللي بيعرس ولا هم والرسول صلى الله عليه قال أنظر إليها فإنه أحرى أن يؤدم بينكما ) ماقال خل امك ولا اختك يشوفونها
ولكن سبحان الله الناس ابتعدوا عن هدي الرسول فكثرت المشاكل اعرف ناس كثيير حازمين من ها الناحية ويرفضون خطبة الحريم وماتطلع البنت الا للخاطب فقط والحمد لله تمشي امورهم وتتيسر لان الحكمة من النظرة الشرعية اعمق من الشكليات والمظاهر وغيرها بعض الشباب يحس بمجرد الراحة والقبول للبنت فياخذها على هالاساس بغض النظر عن جمالها وبعضهم تقع عينه على شي مميز فيها او يعجبة فيها او باسوبها في الكلام ..... الخ
طولت عليك ولكن حبيت اواسيك لايحركون فيك شعره خلك واثقه من نفسك ربي صارفهم عن اللي افضل منهم توكلي على الله وكثري من الدعاء والاستغفار وربك مايخيب عبد رجاه الله يعوضني ويعوضك

يابنت الحلال يمكن الله راد عنك طلاق وعذاب ومرمطه


وكلي امرك ودامك دعيتي ماراح يخيبك الله

انا مامريت بتجربة مثلك لان ماانخطبت لاكن الله يرقنا بالرجال الصالحين