بنات الله يعافيكم ريحوني .. أنا بين نارين من شغالتي ..

اولاً توكلي على الله في كل أمور حياتكِ

ثانياً ياقلبي انتِ البيت كبير وعندك أطفال مستحيل يكون لك مزاج حتى لنفسكِ كيف عاد لزوجكِ ؟؟؟

البيت شغله ماراح يخلص والاطفال يبي احد مقابلهم طول الوقت و و و و

بصراحه لابد منوجود الخادمه

اذا انتِ متضايقه منها بالحيل شفريها واستقدمي غيرها لكن فكري بشكل اوسع

هل بتجيك وحده احسن منها خاصه مع الأطفال ؟؟؟

بتجيكِ وحده امينه على بيتكِ مثلها ؟؟؟

هل هل هل هل

شوي مقارنه هذي لها سنين عندك صحيح انهم يبدون يتغيرون لكن على الاقل مثل مايقولون ( وجهٍ تعرفه ولا وجهٍ تجهله )


استخيري الله في امرها وربي يكتب لك الخير :)

الله يعينك

نصيحتي لك

لا تتركين الشغاله ولكن لا تعملي مشاكل معها

يعني لا تدققين معها كثير

اولا اطفالك صغار وبيتك كبير

ولا تكلف نفس الا وسعها ..

بما ان اطفالك صغار خليها عندك

بعد ما البنات يكبروا اشوي علميهم على العمل بالبيت ولو بالشكل البسيط

بالنسبه للعامله الي عندك

يوم الخميس والجمعه اعملي تنظيمك ورتبي الادراج بس

وبعد ما تجيك السبت

قولي لها بالحرف الواحد

ما ابي يتغير شي من تنظيمي

الغسيل ابيه باليوم هذا وهذا

والكوي وهكذا

عندك الشبابيك كل ثلاثة ايام يالغاليه ترااا يكفي لا تصيرين دقيقه مره

مهي مكينه هي انسانه ونفس ما قلتي البيت كبير

وهي عندها اشغال طول ليوم برضوا ..

جربتي تنكرفي باليومين بالاسبوع طيب فكري فيها انها

نفسك كمان ..

بتتعب ..

لا تقولين فلانه قالت وله شغالتها مو زي شغالتك

ولا تقعدين تسمعين اي تجربه وتطبقينها على بيتك بالتمام والكمال

لا يالغاليه ظروف فلانه غير عنك

يمكن حتى مزاجها وترتيبها وتنظيمها غير عنك

يمكن عيالها ياكلون اي شي من ايدها

لكن عيالك يبون الشي على مزاجهم نفس ما قلتي

لو كنا كلنا نفس الشي ..

كان صرنا مجرد كوبي وبيست بكل بيت

احيانا ارتب دواليبي مثل تطبيقات البنات وتجيني الضحكه

اقول يا ربي الآن بعد ما طبقت وغيري طبق هههههههههه

صارت دواليبنا كلبونا نفس الشي

ما نقدر نطبق كل شي لو كان شي ممكن ماشي الحال

لكن فلانه استغنت عن الخادمه هذا ما يعني اني اقدر اسويها رغم اني ما عندي خادمه الا بالسنه شهر ونص برمضان فقط

يعني وحده ساكنه بفله ودورين واطفالها صغار ويمكن تعمل ويمكن ما تعمل لكن طلبات زوجها وعزايمها كثيره

ليه تقط نفسها بالتكلفه اذا هي مهي قادره لا تقتنع بفكرة لا للخدم ...

الحمدلله انك جربتي يومين بالاسبوع وشفتي طاقتك انك منتي قادره

والحمدلله انك ما مشيتيها نهائي ..

فليه يا اختي التشويش على افكارك

خليها عندك وركزي على التنظيم بالدواليب والترتيبات واطفالك وطلبات زوجك

الى ما الله يفرجها عليك ويكبروا وترتاحين ببيتك ان شاء الله

بس العاملات لازم تكونين معها حازمه ولكن بطريقة حلوه مو بالعصبيه

عشان تكون متشجعه تراضيك بعملها ولكن لا تقولين لها نظفي هذا وهذا ليه ما نظفتيه ولا سويتيه

علميها سوي قدامها مره وحده وكل اشوي قولي لها كذا شوفي اشلون اسويه وابيك تسوين زيي بالضبط بالمره الجايه

اكتبي لها جدول او املي عليها طلباتك اليوميه

وان شاء الله تمشي معك زي العسل بس برضوا اعيد واكرر لا تدققي كثير ..

البيت مو مستشفى ان لازم يكون نظيف 24 ساعه مع وجود الاطفال لازم يكون فيه اشوي كركبه


...........

توكلي على الله والله يعينك ان شاء الله

اذا ماشفتي منها اشياء غير اخلاقيه خليها تراها نعمه اسلي مجرب

يا حلوكم يا بنات حواء ما قصرتو جزاكم الله خير ..
أختي رؤيا تراني والله ماني كارفتها مثل ما تتوقعين يعني معطيتها المطلوب وتاركتها على راحتها ماني من النوع إللي يقعد يتناشب مع الشغالات لا والله مثل ما قلتي هم بشر مثلنا ومن رحمتي قيها عيشتها عندي مثل أختي حملت حملت من زوجها وهي عندي وولدت ورجعت تشتغل عندي وجابت ولدها معاها يمكن قعد عندي 3 سنوات وهو معاها يجي لين بدأ يسببلنا مشاكل مع بناتي ويخرب في البيت عاد زوجي كلم أبوه وخلاه ياخذه معاه وقت ما هي تشتغل عندي بس إللي قاهرني فيها إنها تسهبلني يعني تسوي أشياء تحسبني ماني داريه عنها ..
أعطيكي مثال مره إكتشفت إنها تغسل ملابسها مع ملابسنا وبعد خالطه الأبيض على الملون على ثياب زوجي على مناشف الحمام والمطبح يعني عجييييييييييينه .. وكل مره أشوف أسكت نفسي وأقول يمكن تبطل بس ولا همها ويا ليتها قالتلي لا بكل قلة أدب لما كلمتها عقدت تضحك وتقول معليش ما سوي مره ثانيه ..
الأكل الزايد داااااااااايما أقولها ما ترميه تحطه بكيس لحاله لما تطلع الزبالة الله يكرمكم برا عشان يمكن يشوفه أحد محتاج وياخذه.. ولا كأني إلا أكلم جدار دايم أشوف الأكل بالزبالة ولما أكلمها اليوم الثاني تقولي ما بقا أكل كله خلص..
ومواقف كثيييييرة لو أقعد من اليوم لبكره ما خلصت..
المهم أنا قاهرني أسلوب إنها تستهبلني ما كني شايفه شي وأنا ما أحب كثرة الكلام والتدقيق والملاحظات الزايده بس قالو وش حدك على المر قال إللي أمر منه..