السلام
خدامتي اندونسية صار لها كم شهر عندي
ومعاملتي وياها زينة
معظم الاحيان اعاملها كانها صديقة لي مو تشتغل عندي لاني ما احب الغرور والتكبر
المهم
هي بعد شغلها زين بشكل عام
بس البارح يوم بتروح تنام قلت لها انتظري لا تروحين انتظري شوي بس لان كان في ناس يشتغلون هناك
الظاهر هي راحت تتاكد كانها بتروح حمامها وتاكدت انهم راحوا وجت تقول لي وانا كنت اتكلم في التلفون
سويت روحي ما اسمعها عشان ما تكلمني وانا مشغولة بالتلفون
قامت وراحت تنام في قسمها بدون ما تنتظرني اكمل مكالمتي وارد عليها
اليوم الصبح كنت حيرانه وش اقول لها
بس قلت لنفسي لا تصارخين عليها بس فهميها ان اللي سوته غلط
قمت رحت لها
قلت لها ليش امس جذي جذي السالفه يعني
ما تاسفت ( كالعادة ما تتاسف ابداً )
بس تدافع عن نفسها باسلوب قووووي.
تقول لي انا كلمتش وانتي ما رديتين ورحتين هناك!!
انا على برود اعصابي وطول بالي وياها لكن ما تحملت تطنيشها لي
قمت اصارخ عليها ولاول مرة
ما تلفظت ابدا بس كنت باسلوب اني اعنفها واقول لها اذا انا اتكلم في التلفون المفروض تنتظريني اكمل بعدين تكلميني
وهي ولا كان احد يكلمها تكمل شغلها
قمت اناديها بتعنيف بعد واقول لها ان اذا اكلمج ردي
ما تطالعني بس تكمل شغل
المهم ورحت عنها
اللي يقهرني فيها انها ما تجي تتاسف
انا قلبي طيب جدا لو بس تقول لي آسفه انسى اللي صار كامل
انا مو قاهرني اللي صار البارح
انا قاهرني اسلوبها اذا بغيت افهمها على شي
والحين كاسره خاطري تشتغل عندي ما ادري ليش صرت شريرة وصارخت عليها
ساعات اقول اروح اقول لها آسفه اني صارخت عليج
مو خوفا منها
خوفا من ربي وربها
بس اقول بعد لا غلط
هي الخادمة ما تعتذر ما ابغي انزل روحي وايد لهالدرجة
شرايكم انتو
ردوا بسرعه جزاكم الله خير:26:
شاركي في النقاش
سجلي الدخول لإضافة تعليق.
التعليقات
17- لاتعتذرين منها بعدين يكبر راسها والمفروض تفهمينها الي سوته غلط
- مع ان اللي فات فات بس لازم العتب
كان ياأختي من البدايه ماطنشتيهاا فيه تناقض !
تقولين عشان مره ثانيه ماتكلمني وانا اكلم تليفون >>هذي فيها تعالي
وبالمقابل تفكرين تعتذرين لها >>طيبه مو بمحلها
من رأيي :)
ماتعتذرين لها لكن ترضينها بشئ يرضي ضميرك قبل مايرضيها
لأن جنسهم ماله أمان ومثل ماهو صعبه تشدين الحبل كارثه ان ترخينه لها .. تعاملي معها ولاكأن فيه شي ومع الأيام تتلاشى هالضغنات .. وياقلبي احرصي منهم وحصني بيتك وعيالك بالمعوذات والذكر
طمعت بالفائده:35:
بالتوفيق
- خافوا ربكم ليش هي مش انسانة ولها مثل اللي عليها لو تعتذري لها بيجي يوم وتعتذر لك لو غلطت
وبعدين انتي اللي غلطانة لانها خبرتك كان المفروض تردي عليها ولو بهز راسك بانك سمعتيها
وبعدين اعملي اللي يريح ضميرك ويرضي ربك وخليكي من الكلام القاضي لاتسمعية وتقولوا راسها بيكبر
وما فيش فرق بينا وبينها كلنا بشر - خلاص هي ما اعتذرت وانتي لا تعتذرين لها...خلصت السالفه :D
امزحححححححححححححح
اختي الاعتذار مب شرط بالكلام
حتى الابتسامه ممكن تكون اعتذار
وبعدين سالفة انها ما ترد يوم تكلمينها
يمكن خافت تقول شي وتزعلين اكثر
وانتي تقولين انها ما تعتذر بس تناقشج
بأعذارها وطبعا من حقها عشان تفهج اللي
في بالها
وبصراحه بالنسبه لي احسن عن خدامه تقول
كل ما تغلط (سوري مدام) وتكتم في قلبها
وتسوي بلاوي
ونصيحه مره ثانيه لاتطنشينها،،،، تخيلي انج تكلمين
حد وهو يسوي نفسه مب سامعنج
اكيد حطت في خاطرها وتضايقت
وممكن تشترين لها شي بسيط وتطيبين خاطرها - :icon18:
مواضيع مشابهة
تابعي تجارب أخرى من هذا القسم.