زوجي بالحاير !! الي مثلي تتفضل هنا ... [تعدى عدد الصفحات المسموح به]

الله يفك اسره ويرجعه لكم سالم آمين يارب العالمين

دمعة وردية

حيا الله العميدة :39:

ياحياتي !
ماكنت متصورة إن الوضع كذا !

الحمدلله على كل حال

الفرج قريب ياأختي ..

بالنسبة لآخر نقطة بكلامك فأنا معك "بعضهم" يصيرون غلطانين وهم الي جابوه لأنفسهم بسنقول مساكين كافيهم الندم والألم الي هم عايشينه ..
لكن وش تقولين بالي مبعدينه عن أهله 3سنوات عشان ايش ؟!!
عشان اشتباه !!
...
يالله وش نقول !!
الحمدلله الحمدلله


بس ماقلت لي ؟!! كيف تغير يعني ؟!!

ودي أفهم هالنقطة تحسبا لها لو شفت تغير على زوجي أعرف كيف أتصرف !


( آلاء )

دول

حزنت مرة لحال أختك وبناتها الله يفرج عنهم بأقرب وقت ..!

اقترحي عليها تروح للجنة رعاية السجناء لأني أظن لها ولبناتها مصروف شهري ومجزي ماشاء الله ..

والظاهر إن زوج أختك بإصلاحية الحائر ولكن أزواجنا بالسجن السياسي ..


( آلاء )

رومنسية منسية

يااااابعد عمري هالأطفال والله مايكسر قلوبنا إلا هم

احنا كبار نفهم ونتحمل

هم وش يفهمهم

أيتام وآبائهم عايشين

يارب ارحم ضعفهم

صحت عليهم وعلى أولادي لينلت بس

أنا مثلك

تعبت من أسئلتهم وكل يوم نقول بكرة

والله مسيكين زوجك مخلينه بن بطوطة

أنا بس من عليشة للحاير

ضيقتي صدري يوم قلتي يعذبونه !!

هو صدق فيه تعذيب ؟!!

والله أنا إذا رحت لزوجي أتفحص كل جشمه "بدون مايلاحظ طبعا" ودي أعرف يسوون له شي ولالا

ماقد لقيت عليه آثار وهو مايشتكي أبدا كتوم

أما ماتهنينا برجالنا والله إنك صادقة بس مافيه شي عند ربك يضيع

وحدة ذاك اليوم معي بالانتظار تقول والله كلمت على مدري مين بالوزارة وجلست أهاوشه أقوله له أخذتو رجالنا شباب وطلعتوهم شيبان وش نبي بهم هههههههههههههههه ياحليلها فطست عليها ضحك

طيب تحسين زوجك تغير عليك عقب كل هالسنين ؟! ولاقوت علاقتكم وزادت ؟! ولافترت ؟!


( آلاء )

ابتهاج << تراني عارفة إنه ابتهج بس قلت بأسميك :)

ماودي أضيق صدرك لكن وأنا أختك قدامك ع الأقل شهرين انتظار لين يتصل !

عارفة إنك الحين بتشهقين وتصيحين وأنا مثلك بعد بس وش تسوين !

الانتظار قااااااتل

والأمل حلو

بس حطي ببالك إنك بتنتظرين وادعي ربك وأحسني الظن فيه إن بيفرج عنه قبل هالشهرين ! ربك القادر القوي العزيز بيده الأمر كله وإليه يرجع الأمر كله يقول للشي كن فيكون !

لاتيأسين ولاتخلين الانتظار يتعبك ويلهيك عن أمور مهمة

أنتي توك في البداية فنحصيييييييييحة من قلب:

ابدئي من حيث انتهى الآخرون

شوفي أنا مثلا ضيعت وقتي أول الشهور في التفكير أقعد بالساعات أفكر

والانتظار وماسكة الجوال 24 ساعة اي والله 24ساعة حتى وأنا نايمة

تخيلي 8شهور وأنا كذا

تعبت تعبت تعبت

لكن لو كان فيه أحد ينصحني ذاك الوق كان انتصحت

المفروض الواحد يسلم أمره لربه ويشغل وقته كله ومايخلي مجال للشيطان يدخل عليه

ادخلي دار وابدي راجعي استفيدي من وقتك

تراهم هم مشغلين وقتهم ماشاء الله تبارك الله بالقرآن والصلاة وطلب العلم

والله أعرف وحدة من صديقاتي زوجها مسجون تقول له تتفرج على قناة المجد قال مو دايم قالت ليييش فيه برامج حلوة مرة وقعدت تعلمه أوقاتهم قال إن شاء الله إذا لقيت وقت شفته !!

تخيلي !!

بغرفة وحدة 24ساعة ومشغل نفسه وحاط له جدول لدرجة إنه مايلقى وقت لتلفزيون !!

ماااااشاء الله تبارك الله !!

والله احنا المسجونين مو هم !


( آلاء )