زوجي بالحاير !! الي مثلي تتفضل هنا ... [تعدى عدد الصفحات المسموح به]

الله يفك اسره

الله يفرجهاا عليكم يااارب ...

انا معك يا الاء .....وكلامك على عيني وراسي ....ومجربته من ست سنين

واتفق معك بنقطه الاطفال والمناديل .....

احسها سياسة تعسفيه فقط بدون وجه حق

يبون يخلونا نتعب ونقطع الزياره .....


لكن لي مداخله ....ادري الكل بيهب وبيقولي ليه وحرام عليك وغلط واولهم زوجي

لكن لنكن صريحين مع انفسنا قبل الناس

من السبب ورا هذا كله ؟؟؟

لاتنسين انه انا لي ست سنين ومجربه قبلك .....التفتيش ماكان كذا ابد ابد

والله العظيم كانت تفتشنا عادي جدا بالغرفه عند الحريم .....بدون ماتقرب لاي منطقه حساسه من فوق او تحت

وربي شاهد على كل كلمه اقولها .....واسالي اي وحده زوجها بالحاير من ست سنين

وكانو حتى الزياره يمددونها لنا ....كنا نجلس لين الساعه 3 مع ان المفروض اننا نطلع 12 حسب القانون

وكان مسموح بالمناديل والعلك والمويه ....والاطفال من كل الاعمار


ما تسالتو هم ليش غيرو الانظمه ( مع تحفظي على اغلب الانظمه التعسفيه )


اوقفو مع انفسكم شوي واسالو انفسكم وازواجكم هالسؤال

الدوله قبل 9 سنوات كانت تسجنهم ست شهور وتطلعهم .....ومع ذلك كانو يرجعون لنفس اعمالهم

ونتج عنها التفجيرات والاوضاع اللي هزت البلد



لاتقولون انتي وانتي

لا انا مظلومه مثلي مثلكم .....وماكله هوا

شبابي راح ......واضطريت اجيب ولد وزجي بالسجن لاني خايفه يمضي العمر ومايمدين اجيب عيال

وحياتي الله يلطف فيها واوضاعي يمكن اشد منكم .....



لكن ارجع واقول ....ربي ما يرضى بالظلم

الانسان يظلم نفسه بنفسه .....


لاتقولون ماكانو يدرون و و و و ....

كانو عارفين كل شي وكل الاوضاع .....ومع ذلك استمرو

واللي موفاهمه تراسلني خاص واعطيها المفيد



واسمحو لي على صراحتي .....

توك حبيبتي ....يبي له من شهر لشهرين

فيه حالات قليله كلمو بعد اسبوعين

وكان الله في عونك








هلا وغلا بالاميره

وش اخبارك واخبار بنتك ....ياقلبي عليها

والله ما ارحم الا الاباء والاطفال

كان الله في عونهم










عميده حته وحده :27:.....شكرا لثقتكم :35:

بقولكم قصه حلوه ....بس مو الحين


شفتي حبيبتي كيف الوضع

وعلى فكره ترا فترة حملي يوم يمنعوني كانت فترة تغير الاوضاع :mad:

والله كنت احيانا اروح بدون الكرت ويدخلوني لانهم عارفيني .....عشان كذا كنت متطمنه ورايحه

وبعد ....كانو معطيني ورقه اني مسموح اجي بدون محرمي لان ماعندي

وعقب منعوها .....عشان كذا خفت زياراتي

اتذكر ....قالو لازم محرم ومادري ايش .....قلت لهم منين اجيب لكم محرم

ابوي توفى ....وولدي صغير .........واخواني موب عندي .....وزوجي اخذتوه .....اخترع لكم محرم يعني :mad:

عشان كذا عطوني ورقة سماح ......بس بعد فتره لما تغيرت الاوضاع وشددو الغوها






ومن ناحية التغييير .....والله مادري وش اقول ياختي

الشك والخوف ملا قلوبهم .....صارت اي كلمه تملا قلوبهم بالخوف

يعني لما طلع جوال الكاميرا كان زوجي بالسجن ....ومايدري وش السالفه

يسمع من هالكلام اللي يعور القلب ....صوروها ...نشرو صورها وهالخرابيط

وتعالي شوفي .....انتبهي ...لاتشترينه ....لا تصورين

مع انه يكون عارفني .....بس مسكين ما ينلام يسمع كلام ومايدري وش اساسه

وبعد احساسهم بانهم عاجزين خلاهم زي ال( والله مدري وشلون اشرح ) بس كرامتهم هايجه طول الوقت

لاحد يقولهم كلمه الا ثارو بوجهه .....يارب وصلت المعلومه

مساكين مايدرون وشلون يلمون مشاعرهم المبعثره


وفيه نقطة الابوين .....

والله ثم والله ثم والله ان ام زوجي انعمت من كثر البكاء .....وترا اخوه معه وهذا اثر عليها

حنا شباب ونتحمل ....بس الكبار والاطفال يقطعون قلبي

انا ما يهد حيلي وينزف قلبي الا لم اروح واشوف كبار السن جايين على عصيانهم يتكون

ياااارب رحمتك

قسم دموعي تنزل بدون شعر .....وبقلبي العن اللي كان السبب اياكان ....وحسبي الله ونعم الوكيل

يعني اخر عمرهم يتمرمطون بهالشكل :44:




شفت لك البارح حلم ......اللهم اجعله خييير

شفت نفسي اطير بالسماء ...وكان عادي اني اطير ....بس كان يبي له مجهوووود قوي مررره

تحتي ارض فضاء اغلبها خضراء

وفيه ناس كثير ....وانا ادور لي مكان بينهم بنزل لاني تعبانه ....ولمحت اهلي ....قلت بروح لهم

وكل ماجيت انزل ....تخيلي وش يقابلني ؟؟؟؟

ارض مليانه صبااار واشوااك ....وفيه بوسطها رجال مدري ....يمكن انه زوجي بس ماقدرت اميزه بالحلم

كل ما انزل القى صبار ....وامووووت وانا احاول اطير عشان ما اطيح فوقه ....كنت مررررهقه وتعبانه من الطيران ....بس الحمد لله بالاخير ارتفع وابعد عنه ...تكررت كذا مره

ويالله بالقوه اخر مره قدرت ابعد شويه عن الصبار ونزلت جنبه ....طبعا طحت بقوه

لقيت مكان اهلي وجلست تعبانه

الا هذا زوجي ...جاء ونام على حجري وهو تعباااااااان .....

حضنته وانا كارهه ....بس رحممممته مره ...واقول بنفسي حرام مسكين

وصحيت وانا جسمي مرضرض وهلكااانه ....ورجولي تعورني .....قسم بالله كني فعلا كنت اطير

الله يجعله خير