::: لنفكر بحلول فعالة لمشكلة تأخر الزواج :::

انا عن نفسي كل وحده اشوفها في سن زواج وجوني ناس يسألون اذا اعرف احد للزواج على طول استعرض كل البنات اللي أعرفهم واعطيهم اراقام اخوانهم واهلهم وهم يتفاهمون وفعلا حصل كذا زواج بالطريقه هاذي في حريم الله يهديهم ما يتكلمون اما حسد وغيره او خوف من ان تصير مشاكل وطلاق وهذا قسمه ونصيب مافيها شي يا خواتي انكم تذكرون اسماء البنات اللي تعرفونهم بس المصييييييييييييبه ام العريس اذكر وحده اعرفها اسألتني تعرفين احد عنده بنت بسن زواج سألتها ولدك كم عمره قالت ثلاثين عاد سالتها شنو مواصفات البنت اللي تبينها؟ وتعالوا شوفوا الشروط طويله وبيضه وجمالها سوري وعيونها وساع وشعرها سميك وأسود وناعم بس يكون فيه لفه شويه( تقصد كيرلي) ومخلصه دراستها وطبيخه وست بيت ترى ولدي ما يبي شغاله وتبي عمرها ما يتعدي 19 20 سنه :angry2:عاد تصدقون ولدها مو حلو وخلص ثانويه عامه بالدز وراتبه 3آلاف بس والله يا بنات انصدمت قلت لها هاذي أمها ما ولدتها نطري شوي:42:طيب ليش ما تاخذين وحده عاديه عمرها 28 أو 27 أقرب لسن ولدك وتتفاهم معاه بنضج ووعي ما طاعتني وراحت خطبت بنت عمرها 20 والله مطلعه عينها وعين ولدهاالله يهديهم الحريم ونصيحه مني البنت كلما كانت أقرب لعمر الولد كان أفضل عشان يتفاهمون هاذي وجه نظري وتقبلي مروري

طيب وش رايكم باللي جاد بالزواج عن هالمواقع لكن ثقافيه وليست زواج يعني اعجب بتفكيرها ويبغي يتزوجها

وهو وحيد وجاد لكن هي متردده وتنطر راي اهلها حول هالموضوع

هذي وحده محكيت لي قصتها اليوم بالعمل ؟

وهي سعوديه وهو مغربي ؟


اذا تقدرون تفيدونها ياليت وانفعها

والله يوفق اللي ماتزوجو

الله يرزقكم كلكم يارب الازواج الصالحين اللي ترتاحوا معهم

فيض الأمل
تبين نصيحتي
لأ:)

أنا -الله يديم علي- أرفض بشدة أدخل مواقع مختلطة واحط ردي ويرد علي رجال
اذا انا ما اختلط معهم في دراستي وعملي ليه اروح اخلط نفسي معهم في قرائتي و افكاري!!!
وفيه البديل الجيد
يعني انك تعرفين اعضاء من غير جنسك وتتابعين ردودهم وتثنين عليها ورسائل خاصة احسه صعب شوي
واللي يحس انه عادي قولوا لأهلكم انكم في مواقع زي كذا وخوذوا رأيهم

الآن لما جا القبول والحب والرغبة في الزواج
تتوقعي بيطيع يخليها تدخل زي اول؟؟!!ما يتوقع تلفت نظر احد ويعجب فيها مثله؟؟!!

الحبن انا موقع الزواج اللي الطلب واضح
وما ارد على احد
يدي على قلبي وادعي الله بالخيره

الواحد لازم يحافظ على نفسه بقوة
مب بس عشان سمعة اهله
عشان ربي يرضى عليه لأننا خفناه كأننا نراه
و الدنيا صارت تخوف فالواحد يحذر بقوه قبل اي شي والله يستر علينا وعلى كل مسلم

أم عبدالرحمن علي الله يجزاك خير على دعائك وتشريفك للموضوع

ما تتصورين قد ايش فرحتيني

من جد اذا شفت عضوة مميزة معلقة أو مشرفة حاسات فينا ومتفاعلات افرح مره