شاركي في النقاش

سجلي الدخول لإضافة تعليق.

التعليقات

1,544

  1. @kl_alghla_16

    بنات انا رحت فانتوم بعنيزة والله حلو وعندهم حركات حلوه بس اسعارهم غاليه شوي للصياني عندهم بيع وتاجير
    والحلى يطلبونه من الرياض من مرينون
    وعندهم الشوكولاته اللي يطبعون عليها الصور برضه طلبيه
    عندهم السكر اشكال والوان سكر الفاخر والسكر الفرنسي ممكن تشترينه لحاله وممن تستاجرين صينيه ويغلفونه لك
    والفطاير يطلبونهن من حريم بالرياض تقول نجيب لك الطلبيه كل يوم اربعاء واحيانا تستلمينه صبح الخميس
    قيمة الكيلو 190 ريال بس صراحه شفت الصور مرره روعه وتقديم مميز للمعجنات

    عندهم الطاولات والمفارش اللي عليهن صراحه ذوق والونهم حلوه ويسوون كوشات
    وعندهم تلبيسات لطقم الشاي والقهوه والكاسات

  2. @me_me_1

    بنات أنا من بريدة لكن مااستفدت من هالملف اذا كل وحده تمدح وحده الرقم لازم عالخاص

    كل ماقريت وحده تمدح بحرمة ابرسل لها خاص تعطيني الرقم صراحة شغلانه

    ليش ماتكتبون الارقام هنا بالعام عادي مسموح

    زرت الملفات الثانيه وبناتهم عادي يكتبون الارقام بالعام

    شجعونا ونتشجع بتفاعل هالملف

    وأنا صراحة ودي ينجح هالملف ويحقق نتايج اللي نرجوها لاني انا من الناس اللي تعبت من التعامل بالرياض

    لابزواجات ولابخطوبه ولابنفاسات

    ياليت تذكرون الارقام وعالعام

    راح ارجع مره ثانيه للملف وادلي بدلوي بس ياليت الاحظ التغيير

  3. @ordh_ola_kl_alorod

    @كل الغلا@
    بنات انا رحت فانتوم بعنيزة والله حلو وعندهم حركات حلوه بس اسعارهم غاليه شوي للصياني عندهم بيع وتاجير والحلى يطلبونه من الرياض من مرينون وعندهم الشوكولاته اللي يطبعون عليها الصور برضه طلبيه عندهم السكر اشكال والوان سكر الفاخر والسكر الفرنسي…
    اختي وصفي المحل او عطينا رقمه بليز:(

  4. @almas_zmanha

    فعلا ياليت الارقام على العام...
    وكمان فيه وحده تسوي محشي كرنب وكفته وكشري شغله نظييييييف ولذيذ ان شاءالله ابجيب رقمه واسجله هنا لكم...

تابعي تجارب أخرى من هذا القسم.