طفلتي صغيره .. كيف اعتني بشعرها ..

مشكوووووووووووووره عزيزتي على هذا الموضوع المهم الي افدتينا فيه
خااااااااصه انا ام البنااااااااااات ربي يخليهم لي قولو امييييييييين
انا بنتي عمرها 3سنوات وماخليت شي ماحطيته فيه ومليت من كثرمااقصه والحين طولته شوي عشاان المدرسه لا كنه متقصف الظاهر من كثرت الزيوت والله مادري
بظبط ...اذا عندك طريقه ممكن تفيد يا غزل البنا ت ..
ومشكووووووووووره مره اخرى عيوني

السلام عليكم جميعا
******************


الاخت أم النشامى


الله يسلمك ويجعل بنتك من الذريه الصالحه .....

.................
.................

الاخت ورودالدار

الله يسلمك عزيزتي ..
شاطره ورود انتي مثلي اجمع من الان ...:32: :33:
الله يرزقك بالذريه الصالحه ..اامين..


.............
.............

الاخت وردة الربيع..

ويعطيكي العافيه حبيبتي ..

..............
..............

الاخت أم نجود ج.ع.ق..
الله يخلي لك اطفالك .. ويجعلهم من الذريه الصالحه ان شاء الله ..

هو عموما طبيعة شعر الطفله راح تتغير لانها لازالت صغيره .. واذا كان عالاطراف الجافه .. يمكنك ترطيبها بزيت الاطفال وقت المدرسه لانه بدون رائحه ..

وقريبتي كانت تستخدم لبنتها زيت الخروع وزيت اللوز قبل الاستحمام بساعه وهي في عمر بنتك .. ويمكنك في البدايه قص الاطراف المتقصفه.. ومن ثم العنايه به ..

ولاتنسي تدعي لها ربي يعطيها الشعر الحرير دعاء الام مستجاب ..
وبالتوفيق عزيزتي ..

...........................................

تحياتي للجميع

السلام عليكي اختي غزل
**********************
جزاكي الله خيراويباركلج في عيالج يجعلهم من ابناء الصالحين البررة

انا عندي بنتين الكبيرة 8 سنوات وصغيرة2 سنتين مشكلتي مع الكبيرة تعاند وماتحط زيت لشعرها واذا حطت طولت ما تغسله وتاذيني لين مليت وخليتها بس الحين شعرها كانه باهت ومتغير نوعيته معنه ناعم ولحين ابي ادهنه تعورلي قلبي وما تطيع والصغيرة تسوي مثلها مدري شسوي مع هالبنات طلعو في راسي قرون لادهن يحطون ولاحنة والمشكلة شعر الكبيرة ما يطول وقف لحد كتوفهاوخفت حطلها من الخلطات لايزيد طين بله قوليلي بطريقة اخليهن يزيتن شعرهن وخلطة لبنتي عشان يطولشعرها جزاكي الله خيرا ويرزقكي من نعيم الجنة

السلام عليكم ورحمة الله ....يسعدني المشاركة معكم مرة ثانية بعد انقطاع دام طويلا ....
المهم حبيت اشارك معكم وأضيف ان زيت القرع أفضل للطفل وخاصة بفصل الصيف ....واذا أردت استخدام زيت آخر كالخروع واللوز يمكنك تخفيفه بزيت القرع ...مع تمنياتي للجميع بالسعادة ....

وعليكم السلام جميعا ....


اهلين اختي مرمر زمانى ...

بس توضيح للاخوات حتى لايقال كلام غزل هنا يختلف عن هناك ( ليس عندي اطفال ولست متزوجه) مااكتبه عن الاطفال من خبرتي مع اخوتي وقريباتي وخبرة امي جزاها الله خيرا .....

وجزاكي الله خير على الدعوات الحلوة.......


وبناتك الله يخليهم لك ويجعلهم من الذريه الصالحه ..
بالنسبه للكبيره .. حاولي تشجعيها وتشعريها بجمال شعرها وانها لازم تحافظ عليه وتعتني فيه ولابيخرب بعدين .. قولي لها عشان يصير حلووووووووو وطوييييييييل وجميل وبكره تكبري ويصير احلى واحلى .. يعني من هالكلام واجعلي لحظات وضع الزيوت على شعرها لحظات مرحه وبرضاها لااجبارا وهيا قومي يابنت ادهن لك .. وبالنسبه لي شفت افضل حل التشجيع بالمكافأت الماديه .. قولي لها ان داومتي على الحمامات بشتري لك الشيء الفلاني وفعلا اشتري لها شيء نفسها فيه

كنت ايام طفولتي امي تتعاون مع عمتي على اساس عمتي ( كنت احبهااااااا واعتبرها قدوه ) .. اخذتني لمحل الالعاب وشرت لي هديه كبييييييييره وقالت لي بعد مااشترتها وانتقيتها بنفسي ان هذه عشان اداوم على الزيوت ويصير شعري مثلها لما اكبر ومثل سالي طويل وناعم .. ( كان عمري 6 سنوات وشعري تالف فعلا ) لكن الحمدلله والله الى الان اذكر هديتها كيف اقنعتني وماشاء الله مع زيت جوز الهند تغيرت طبيعة شعري تماما الحمدلله ........


وبالنسبه لطول الشعر خذي مقص واذهبي للكوافيره واطلبي منها تقص اطراف شعرها شرررررط تذكر الله وتسمي بالله ومن بعدها ابدأي العنايه بالزيوت .. ودلكي شعرها يوميا عشرة دقائق لانه يطول الشعر .. وادعي لها بما تشائي فدعاء الام مستجاب ..



اما الصغيره عمرها سنتين لساتها صغيره على الزيوت والتغذيه ولما تكبر اكثر تبان طبيعة شعرها الحقيقيه وتحددي مدى العنايه اللازمه لها .. يعني مافي داعي تجبريها من الان .. لكن لو كان شعرها جاف او ينفش فرطبيه بزيت الاطفال .. وان امكن قبل الاستحمام بدون ماتلاحظ خذي زيت مغذي خروع او لوز في يدك واعملي حالك بتمسحي على شعرها ( وتكون يدك بها من الزيت ) وتلعبي معاها وبالمره جيبي لعبه من الالعاب اللي ترش بالمويه وطرطشيها بالماء كأنك تلعبي معاها فماراح تلاحظ ان اللي على بشعرها زيت.. راح تحسبه ماء من اللعبه .. انا كذا كنت اسوي مع اخي عندما كان عمره سنتين وثلاثه ..... والحمدلله لقيت نتيجه بدون مايحس:32:



صح نسيت وبالنسبه لخلطه لتطويييييل الشعر


عندك زيت الذره حق الطبخ يطول وينعم

وزيت الخروع ينبت ويمنع التساقط

وزيت جوز الهند منبت ومطول ومغذي ويمنع التساقط

وزيت اللوز منعم

فممكن تخلطي كميات متساويه من الزيوت اللي ترتاحي لها وتضعيها على شعر طفلتك قبل موعد حمامها بساعه على الاقل




وبالتوفييييييييييق



................................

الاخت erama..

جزاكي الله خيرا على الافاده ..

وقد ااحببت ان اسألك من اين نأتي بزيت القرع .. من الثمره نفسها نعمله ؟؟ او نشتريه من العطار .. حيث انها المرة الاولى التي اسمع عنه ..


وجزاكي الله خيرا







>>>>>>>>>>