اولا ارفع يدي بالدعاء لكم ان الله يرد لكم ازواجكم عاجلا غير اجل ويلم شملكم ويفرح قلوبكم قادر على كل شي انه سميع مجيب
كلامي الي اتمنى انه مايضايق احد لانه منطقيا بالدرجه الاولى من صالحكم ومن صالح اولادكم واهل السجين عامة
انا ولله الحمد مامريت بهالموقف ولا اتمناه لي ولا لغيري
لكن يحدثنا قريب مسؤؤل في الداخليه على ضوء قصه مشابه حدثت لاحد الجيران وقامو بالتوسط فيه لعله يسهل امور الولد
وكان متزوج ولديه طفل وكانت النساء من عائلته يحلفن ويجزمن بكل الايمانات انه بريء وانه ابرء منهن !
ولكن اكتفى الرجال من العائله بالسكوت .. البعض منهم مشكك ..والبعض يقول لو ماوراه شي مااخذوه بد عنا كلنا !
هذا القريب يقول انا لااستطيع التوسط في مثل هذي الحالات تماما ولكن بمانهم جيران ومن خيرة الجيران يقول قلت بشوف محتمل يكون
فعلا ماله دور بالامر وانه ماخوذ غلط برغم اني اعرف ان قبل اي مداهمه يكون في تحري كامل وهو عمل المباحث ومعلومات
كامله عن كل الاحداث الي حصلت للسجين من لحظة التحري قد يفاجيء بها!
المهم انه اطلع على الاوراق الي تخص الرجل يقول اول شي بالكشف على جواله وجدو عدة ارقام لأ ناس مشتبه بهم !
وبالكشف عن جهاز اللاب توب ايضا لاحظو دخوله على مواقع مشبوهه امنيا واظن ولا اذكر انه قال مشارك في بعض لمواقع
كل هذا زوجته تقول لنا وللجميع ابدا بريء تماما ..طبعا قريبنا هذا يقول تركت الموضوع وقررت عدم قدرتي على التدخل فيه وطبعا ماقالو لاهله عن وضعه بالضبط كانو يكتفون بقول ان التحريات مستمره وكانت بالفعل مستمره لانها امور معقده ومترابطه لا تحل بيوم وليله
وبعضها حفاظا على سرية الامر ولانهم رايحين يستدلون بالتكتم على مشتبه بهم اخرون وهذا من صالح البلد طبعا
طبعا في هذا الوقت الزوجه والام اصبحو يدخلون في نقاشات ضد .. وصارو مشحونين جدا .. ويدعون على الكل
وانا ماالومهم هم نفسيا جدا تعبانين لدرجة ان الام حالها يحزن الجميع ويحكون مواقف تسويها نجلس نبكي ايام بعد مانسمعها
وزوجته كانت تمسك طفلتها وتقول للناس شوفو ايش سوو ؟ حرموها سعادتها ؟ ووو كلام كثير جدا
انا بعد ماكنت متعاطفه بشكل سلبي تحولت بعد التفكير المنطقي للتعاطف بشكل ايجابي .... الدوله ماهي طالمه ! ولا ادارة السجون
جايره ! ولا كل من يمارس عمله ومتمسك فيه بتطبيق كل القرارات متعسف !
ليش مانقول هم .. وهم اولا واخيرا ....المساجين !!!
هم ظلمو انفسهم والي حواليهم ..جارو على بلادهم وولاة امورهم ...جارو على شيب والديهم .. ظلمو اطفالهم ونسائهم !!
طبيعيا معروف كل خطأ له ردة فعل ...كل مخطيء له عقوبه ... اذا سرقت بتقطع يدك ..اذا قتلت ستقتل .. ووو
وحاليا كلنا نعرف ان اي شخص يقف ضد دولته او حتى نظامها ... سيأخذ جزائه .... وهم بالغين وفاهمين ومدركين حجم الامر
كثير طلعو باعفاء ولكن للاسف رجع مره ثانيه للسجن بنفس الغلط
كثير طلعو باعفاء او غيره وبعد فتره اكتشفو انه طالع للعراق او ماشابه
ليش ؟؟ هنا السؤال
انا مش ضدهم ابدااا ... انا ابغى توجدون حل كونكم زوجاتهم وتعتبرون قوه مؤثره ... كيف تقدرون تأثرون عليهم وتحببونهم في الحياه
والحفاظ عليها من اجل اطفالهم .. من اجل البيوت الي افتحوها .. من اجل السعاده الي ماتتم الا بوجودهم
انا اشوف ولا ادري صح ولا غلط .. ان لما تضغطين على نفسك كثير عشان تحسسينه انكم مبسوطين هالشي ضد الوضع !
يعني بعض الرجال يأثر فيه الوضع السيء الي ممكن يعيشونه اطفاله و زوجته ......... ممكن يتحول لشخص ايجابي
يعني ليش تكتمون الوضع السيء الي تشوفونه بسبب بعدهم ..؟؟ يمكن هالشي ضدكم
انا مااقلبكم ضد ازواجكم لا والله بالعكس وقفتكم معهم اجر .... والاجر الاكبر لما تكون بفائده للجميع ... لما تكون درس لمابعد
ان شاء الله يفكر مية مره قبل مايدخل في مساومه مقابل استقرار اسرته واطفاله ..او من الاساس اي شخص حاب يدخل متاهات من هذا النوع بلاش يتزوج ويجيب اطفال ويحكم عليهم بالعذاب والحزن ... كفايه جدا العذاب الي بيلحق والديه
وصدقوني يابنات هم تحت الملاحظه مو اهدار للوقت هذا ...لازم يتأكدون من وضعهم قبل مايقررون خروجهم
ولا ترا وجودهم مكلف على الدوله لانهم بيدفعون مصاريف لهم ولبيوتهم ومصاريف الاعاشه في السجن وو يعني ماراح يخلونهم
جالسين لمجرد فراغ ! في امور احنا مانعرفها وبعضها روتيني واجب مايقبل تجاوزات الا استثنائيه !
المهم ... اوصيكم يابنات بالصبر والثبات وتقبل الامر برغم صعوبته والاهم اطفالكم مالهم ذنب يحسون باي تقصير وحتى انتم
لاتعزلون انفسكم علشان كلام الناس وغيره .. بالعكس تمتعوا وانبسطو وغيرو جو ولاتبخلون على انفسكم بلحظة سعاده لانكم احق
من غيركم فيها ..وكونكم مريتو بظرف طاريء مثل هذا مايعني ان الحياه توقف والسعاده تلتغي من قاموسكم
واتمنى تقبلون اعتذاري الشديد لو كلامي كان فيه شوية قساوه ويمكن مايكون صح بس حسيت انه ممكن ينفع ويفيد قلت ماابخل على اخواتي فيه .. والدنيا دواره كل انسان لابد يقف في مرحله من حياته ويتعثر ويتمنى يلاقي كلمه تقويه وتساعده وكلنا لها
زوجي بالحاير !! الي مثلي تتفضل هنا ... [تعدى عدد الصفحات المسموح به]
متابعة النقاش، صفحة 53