زوجي بالحاير !! الي مثلي تتفضل هنا ... [تعدى عدد الصفحات المسموح به]

تسنيم

كذابة يعني أنا ؟!!
قسما بالله إني أعرف واحد أخوه راح لأفغانستان ومات هناك الله يرحمه وأخوه انسجن وهو بزر توه عمره 16ومو مطوع و لايم الطوع أصلا وهذا هو بالسجن بيكمل سنة الحين وبينهااااااار ماله ولاعليه ولاحتى يدري عن أخوه يوم راح !
هذا دخل السجن غر مايدري عن شي وبيطلع لنا ارهابي من الناس الي قابلهم وجالسهم !
تدرين أحيانا يجون ناس يهاجموني إذا قعدت أدافع عن السجناء المظلومين !
والله ذيك الحزة إني أتمنى يكونون في نفس موقفي وأشوف حزتها كلامهم هو كلامهم ولابيتغير !
ولو تغير ماألومهم لأن الظلم شيييييييين !


( آلاء )

اللهم في هذي الساعه المباركه والليله المباركه
انك تفرج عن جميع ازواج واخوان مرتادات هذا الملف وعن كل مظلوم
وتفرح نضرتهم وتسعد قلوبهم وتشرح صدورهم بشوفتهم
وجعل ماجاءهم من هم وغم ونصب تكفيرا وتمحيصا من الذنوب يارب العالمين
وصلى الله وسلم وبارك على نبينا محمد وعلى اله وصحبه وسلم

الاء .....الظاهر انها هي

وفعلا يبدا بحرف ال ع .....ماتدرين عنها ؟؟؟

من ولدت ما سمعت لها خبر ....لها سنه الحين

والله كل ما اتذكر هبتي فيها اموت من الضحك انا والبنات اللي معي

عاد عقب صرنا حبايب ....حتى مره وصلتها معي هي وامها

رومنسية ياأم الخيال أنتي :p
شوفي بأحاول أجاوب بواقعية حتى وإن بدت لك الإجابات خيالية صدقيني احتمال أسويها لأني إذا انبسطت انهبلت والموقف مثييييير جدا جدا وحاولت أعيشه مثل ماصورتيه!
لكن عموما أنا قلت لزوجي في أول مرة زرته زيارة خاصة قلت له: تراني قعدت أمس 5ساعات وأنا أتجهز لك فإذا طلعت أكيد بأقعد أتجهز وقت طويل فالله لايهينك رح لأهلك وسلم على أمك واقعد معها وسلم على أخوانك وأكيد البيت بيمتلي رجال اقعد معهم ليييييين اتصل عليك وأقول يالله تعال ..


1-اذا انتي رايحه مشوار واتصل زوجك وقال انا في الطريق وش تسوييين؟؟
بأقول: هااااااه قل والله :eek:
وينك وينك بأي شارع الحين ؟!
طبعا هو بيضحك علي وبيهديني ثم إذا جا الصدق بأقوله يالله سو الي قلت لك وأنا بأتصل عليك .
ثم بأمر أقرب مشغل وأستشور وأشيل حلاوة وأروح البيت وأدخل لأمي ـ طبعا لاحظوا إني مابشرتها بالتلفون لازم وجها لوجه ـ وأدخلها وأحضنها وأبشرها ونصيح شوي طبعا مع إني ماأحب الصياح بالفرح ولاأقتنع إنه في شي اسمه دموع فرح !
المهم وألبس وأتجهز وأجهز ملابسي وملابس زوجي ياحليلي من أول شهر وأنا جايبة له من البيت بجامة وجلابية وداخليات ومجهزتهم بالشنطة عشان هاليوم بنطلع من بيت أهلي ونروح نسلم على أهله ثم ناخذ لنا ليلتين في فندق ونفلها :35:

2-فرضا عندك اضيوف مهمين وفجأه اتصل ابو زوجك او اخوه وقال حنا بطريق معنا فلان كفلنه وش ردة فعك وش تسوين بضيوفك؟؟؟
كذاااااااااااب ! قل والله !
عطني إياه أكلمه !
ألووووووو فلان << بغيت أقول اسمه من الحماس :eek:
وينك ؟! طلعت ؟؟ قل قسم ؟؟ يالله يالله مع السلامة رح لأهلك لين أكلمك !
ثم أروح لضيوفي وأبشرهم وأقول والله إني مبسوطة معكم مرة بس الحين عاد لازم أتجهز عشان بيجي رجلي ياخذني نسلم على أهله ..
وهم أكيد بيفرحون لي وبيقدرون وبيطلعون !
طبعا منب منتظرة لين تجي سيارتهم بأروح أتجهز وأخلي أمي ولاوحدة من أخواتي عندهم ..
3-اذا انتي تعبانه والبيت حوسه بمعن الكلمه ولك كم يوم ماغسلتي ملابس والاثاث مغبر..والمطبخ يبي تمسيح وغرفتك حوسه تبي ترتيب..وتصل زوجك وقال ابشرك يافلانه كفلني ابوي وهذانا بطريق وحبيت اسويها لكم مفجاة ياعيني وش تسوييين؟؟
والله ماعرفت أتخيل هالموقف لأني ببيت أهلي لكن عموما أنا بيتي الحين مغبر وحالته حلة وناوية أول ليلتين بفندق وبأخلي أهلي يروحون لبيتي ينظفونه ويمسحونه ثم أروح له ..

4-اذا زميلاتك ثلاث او ثنتين نفس وضعك وحده منهم اهلها بمدينه ثانيه ولا تعرف احد بديره غيرك ونامت عندك وثانيه اهلها مسافرين وقالت ابنام عندك لحد ميجون اهلي الاني ماارتاح الاعندك الانك زي وضعي...وتصل الغالي وقال انا بطريق اخوي كفلني وانا قلتله يحجزلنا لمكه...تجهزو...وش موقفك؟؟
والله ماعلي منهم !
بأقولهم إننا بنسافر لمكة وهم يفهمونها ويدبرون أعمارهم وش علي منهم أنا !

5-طيب باقي اهم شي اذاتصل وقال انا جاي زين ؟بعد ساعه لاني ابمر محل الهدايا وبجيب لعيال...ابفرحهم...بهذا الوقت الضايع تروحين تعدلين نفسك اوتتصلين بالكوفيره تجي ونقاش تشيل ولا تعملي ايش؟؟؟؟
أول شي بأروح ألبس عيالي وأصلح القهوة وأرتب المجلس عشان إذا جا يقعد مع العيال وأنا بأروح أتجهز وأتكشخ بسرعة بسرعة ومهما كان شكلي لو إن شاءالله شوشة ع قول دمعة بصير بعينه قمر لأنه ماااااااااال من الرجال !

الله يبلغنا هاليوم عاجلا غير آجل وأوعدكم إني بأبشركم أول مايجيني الخبر وبأعلمكم بعدين وش صار ووش سويت :)

سؤالك الثاني ذكرني بمرة كان منقطع عن الاتصالات من فترة وكنت عازمة صديقاتي الصبح ع الفطور وماكنت أمون عليهم أبد أول مرة يجون المهم ودق علي وأنا توني حاطة الفطور وتعرفون الفطور فيه شاهي وحليب وتميس يعني لازم أقلطهم بسرعة عشان مايبرد المهم يوم دق قلت لهم والله إن وجيهكم وجيه خير هذا رجلي يدق علي قوموا الله لايهينكم للفطور لايبرد وأنا دقايق وجاية !
وفرحوا لي ياحبي لهم وقاموا يفطرون كلمت ورجعت لهم عااااادي ماقالوا شي بالعكس انبسطنا مرة ..

أختار بعدي امممممممممممم
ودي أسوي قرعة :o
ولا بالترتيب الهجائي ؟؟

يالله دمعة ورينا اجاباتك ياأم كشة ..



( آلاء )