**ابسألكم وجاوبوني بصراحة **تحديد ايام استقبال الضيوف في فترة النفااااااس؟؟؟

اهلين اخواتي

وش رئيكم بتحديد فترة استقبال الضيوف في فترة النفاس
اولا السلبيات
الايجابيات
وكيف يتم التحديد
وقصص ومواقف من تحديد الايام
وهل تقبلها زوارك برحابة صدر ام ان هناك زوار زعلوا ولا زاروك؟؟
فيه ناس مثلا تحدد كل اثنين وخميس
وفيه ناس تحدد كل اربعاء وخميس
وفيه ناس تحدد يوم فقط واحد في الاسبوع
وفيه ناس تقول حياكم الله بعد ال15 يوم الاولى
وهكذا
وفيه ناس تكتب ورقه على باب البيت يتم فيها الاعلان عن اوقات الزيارة
وهذه تنفع للي مايتصلون
ووش رئيك باللي يزرورن في النفاس ولايتصلون؟؟:16::16:
عني انا مااحب ازور ولا اوزار الابا تصال الاتصال عندي ظروري راح وقت الزيارة المفاجئة الناس ظروفهم تختلف ؟؟
وايضا وش موقف زوارك من تحديد الايام لان فيه ناس زعلوا وتشرهووا
ايضا هل انتي من النوع اللي مايتحرك من السرير اذا جوك ضيوفك حتى يغادروا او عادي
ماتهتمين
هل انتي من النوع اللي ماتقوم لضيوفها اذا جوا ولا تقومين ؟؟
ومتى تشيلين سريرك وهل طول فترة الاربعين وانتي تنامين على السرير؟؟
يالله شدوا حيلكم وخلونا نتحاور بهذه
الاشياء بكل صراحه وشفافيه
وحياكم جميعا :D:D:D

50 تعليق 15,388 مشاهدة

شاركي في النقاش

سجلي الدخول لإضافة تعليق.

التعليقات

49
  1. @kmr_666

    و الله يا اختي اذا عندك ظروف حددي الزياره

    و علميهم ظروفك و لا عليك من احد

    و انا بالنسبه لي يوم ولدت استقبلت الزياره في المستشفى بس

    لان امي مريضه و ما ابي اجمع عليها العالم

    و الكل كان متفهم ظروفي


    يا حبيبتي ترى اهم ما على الواحد راحته و صحته

    يعني فكري بنفسك انتي و لا عليك من الناس
  2. @almkatl_3

    هي حلوه مره بس ممكن تتحدين يوم ويصرون الناس اللي يجي واللي يروح
    عرفتي يعني مثلا تجيك دفعه العصر واذا راحوا جوا غيرهم واذا راحوا جوا اللي يعدهم
    يعني من العصر الى 12 وانت مقابلتهم لانهم مختلفين والبيبي يتعب وانت تتعبين
    يجون مفرق ويجلسون ساعه ساعتين اهون من اني يومين بالاسبوع ارتكز من الى

    واحسن الشي اللي تجلس اسبوعين 3ثلاثه محد يجيها افضل من تحديد الأيام
  3. @am_toto22_1

    صاحبة الموضوع
    مشكوووورة اختي قمر على مداخلتك الحلوة وفعلا اهم شي صحة الواحد

    بس اناترى اتكلم عموما مو عن نفسي بس يعني ابي الكل يبدي رئيه

    15 وحده ولارد الا اختي قمر مايصير ؟؟؟؟؟؟؟؟ يالله تفاعلكم
  4. @kshr_kho

    سبحان الله انا احب احد يزورنى بنفاس

    وافرح:32:

    بس طبعا تكون الزيارت وقتها معروف

    يعنى

    من صلاه العصر

    او من بعد المغرب انتظر ضيوف

    والاغلب يتصل قبل يجى

    بالوقت اكون مستعده واكلت لى اكله عشان ماجوع

    ومنظمه كل شي

    لو احط ورقه على الباب

    فيها دم للركب عندنا وقبايل:06:

    لانه عيب وشق جيب:16:

    بيزعلون اكيد

    بالنسبه للسرير

    انا ما اشيله الا عقب شهر

    واحب استقبل الضيوف وانا بسريرى

    لانى انا عمليات قيصريه

    وبالنسبه للقومه من السرير

    على حسب الضيفه

    اذا كبيره بالسن اوقف مكانى

    واذا لا امون عليها عادى وانا بمكانى

    ولا تضحكين على ...

    حنا بالعموم نحرص على السرير والجلسه عليه

    لان وحده شالت سريرها

    وجت تمشى تستقبل ضيوفها

    وعطوها عين

    قالت وحده بالمجلس

    ماكنها ولدت ابدا...

    والمسكينه ماعينت خير


    والله انا افرح اذا جانى احد

    واقولك .

    حنا عاده اذا صار فيه وحده ولاده نحرص نزورها

    لان اذا ولدتى انتى هى تحرص تزورك

    لانى احس بملل وضيقه وودى احد يزورنى

    بس كلهم يتصلون قبل

    والوقت معروف

    من بعد العصر

    او من بعد المغرب

    ومده الزياره ساعه بالكثير

    ويجبون معهم حلا وقهوه ...

    وطبعا الولاده طبيعى تختلف عن قيصرى

    القيصرى عذرها معها يعنى ماستقبل الا بعد مده

    ويعذرونها الى حولها

    القيصرى اصعب ...
  5. @am_toto22_1

    صاحبة الموضوع
    المتفائلة مشكوووورة ياعنري بس وين اجابة باقي الاسئلة

    وانا اتكلم عموما وليس عن نفسي فقط

تابعي تجارب أخرى من هذا القسم.