شي فوق طاقتي ( انا واهل زوجي )

السلام عليـكم
كيف الحال .. ان شاء الله كل اموركم بخير

بدخل في الموضوع على طول

يـــــــــاناس بيت اهل زوجي يضيقون الخلق ويجيبون الضيقه في الصدر :o

انا كل اسبوع مضطره اروح بيت اهل زوجي ( العاده عندنا كذا الكل يجتمع كل اسبوع )
ولو مارحت بدون عذر اكيد بيزعلون

المشكله مو هنا .. وربي لارحت يضيق خلقي
الجلسه معاهم تضيق الخلق يسولفون مع بعض ويطنشوني
ولو سولفت او ودخلت معاهم في الموضوع يطنشوني
مثلاً اسأل اخت زوجي وش فيه ولدك تعبان ( مافيه رد ) مع العلم ان الكل ساكت
اقول لها متى بنتك بتروح الروضه ( مافيه رد )
اول مره اسمع هالنظام ؟
ولو تكلمو .. وربي سوالفهم كلها تضيق الخلق ومواضيعهم قدييييييييمه
وطبعاً كل شي يعجبني مايعجبهم
ومايحبون ولا احد .. مستحييييييل بنت تعجبهم لا من قرايبهم ولا من جيرانهم او صديقاتهم

وماعندهم ذوق .. مره رحت لهم وانا كااشخه ومتروشه ومتعطره ومتبخره
دخلت وسلمت على اخت زوجي الكبيره .. الا هي تقول لي ريحتك سمك
؟؟؟؟؟؟؟؟؟؟؟؟؟؟؟؟؟؟؟؟؟؟
مع العلم إني كنت موطابخه سمك من 5 اشهر .. فمن وين بتجيني الريحه ؟
زوجي قال لها كل هالريحه الطيبه وتقولين سمك
قالت له الا شمها ريحتها سمك
< على طاري زوجي تراه غير عنهم نهائي مااكنه اخوهم :32:

ومره كنت رايحه لهم وجايبه معي صينية حلا بارد .. ودخلت فيه وحطيته في الثلاجه وقلت لهم بعدين ناكله مع بعض
< ابي اسوي لهم جو .. جوهم على طول ميت
قالو لي طيب .. وبعد ساعه شافو اختهم الصغيره كاشخه بتروح عرس هي وام زوجي .. قالو لها طفشانين خذينا معك
قال لهم زوجي والحلا .. قالو له مره ثانيه
وطلعوا كلهم وخلوني انا وزجي لحالنا
قلت لزوجي بيتكم اسلوبهم ماعجبني ولا يحترمون الضيف .. قال لي صادقه
اكلنا الحلا انا وزوجي وطلعنا :o

وفي اول مره زاروني في شقتي .. انواع النصايح .. حطي هذا هنا وشيلي هذا
واخت زوجي الكبيره تقول لي ارجعي رتبي مطبخك من جديد مو مرتب والادراج فوضه
زوجي قال لهم بالعكس كل شي مرتب وزوجتي مرتبه ونظيفه ماشاء الله عليها

والحين بعد 10 اشهر من زواجي حملت .. ويوم جا يوم جمعتنا ورحت لهم
ولا كاني حامل ولا كانه صاير شي .. ولامهتمين اني حامل ولا شي
وربي انا إلي اسولف عن حملي وعن المتابعه وعن موعد ولادتي
ولا احد يعبرني او يهتم لسوالفي .. مطنشين سوالفي عن حملي .. وكاني حامل بالولد العاشر مو الاول

او اختهم تشتري لهم كلهم شوكولاته الا انا
وانا جالسه .. ولا احد يسألني تبين والا لا

واخر مره رحت لهم .. ماتكلمت ولا كلمه ولاكلمه ابد .. وهم مايوجهون لي كلام ابد
دخلت وطلعت بدون ولاكلمه ولا احد مهتم .. او قال سولفي ليه ساكته

باختصاااااااااااااار الروحه لهم تجيب الهم .. قسم بالله كيف بتحمل اروح لهم كل اسبوع لحد مااموت :06:
شي فوق طاقتي ..

وش رايكم انتوا .. ولو كنتو مكاني وش بتسوون ؟

41 تعليق 3,915 مشاهدة

شاركي في النقاش

سجلي الدخول لإضافة تعليق.

التعليقات

40
  1. @klb_safy_3

    روحي لهم كل شهر مره ترى منتي ملزمه تروحين كل اسبوع
    يكفيهم ولدهم يروح كل اسبوع وشرحي الموضوع لزوجك
  2. @ftah_alkon

    الله يعينك نفس وضعي بالضبط كل اسبوع لازم اروح بس بعد تدخلاتهم صرت كل اسبوعين اروح وانا شايله هم الروحه
  3. @mog1

    لاتضايقين ولا شي هذه الغيرة وما تسوي وخلك أطيب منهم

    وإحمدي ربك ان زوجك معك وفاهمهم روحي وتدلعي وأكشخي وخلك ساكته وحاولي تفاهمين مع زوجك انك
    ما تروحين إلا كل اسبوعين والله يعينك
  4. @ktryh123

    وووويه نفس الحاله..عندى يموتون انهم يعرفون كل شي عندج بس اخبارهم مايحبونها تطلع....يمه منهم...


    الله يعينج ...طنشيهم روحي لهم بالماسبات او كل 10 ايام مره...
  5. طنششي واعملي بأصلك وحطي ببالك انهم يغارون منك وشي طبيعا انهم يغارون

    يمكن يغلون اخوهم ويحسون انك ماكله الجو كله عند زوجك

    بتقولين لي زوجي ويحق لي اقول لك ايه يحق لك بس بعض اخوات الزوج كذا اذا صارت الام حليله تجي الاخت قشره

    وروحي لهم اسبوع ورا اسبوع منتي ملزومه تروحين كل اسبوع

    واتوقع اذا قلتي لزوجك بتفهم لانه حظر كذا موقف منهم يضايقك

    وسوي نفسك ماتشوفين ولاتسولفين معهم كثير ولا تعطينهم اكبر من حجمهم

    عامليهم بالحسني بس سوي واجبك ناحيتهم بالي يرضى الله وبس

تابعي تجارب أخرى من هذا القسم.