**ابسألكم وجاوبوني بصراحة **تحديد ايام استقبال الضيوف في فترة النفااااااس؟؟؟

اللي عندها ظروف تحدد اوقات للزياره

اما اللي ماعندها شي مااشوف له داعي تحدد

بس طبعا تكون على علم بالناس اللي بيجونها يعني يخبرونها باليوم اللي بيزورونها فيه حتى لو قبل بيوم يعطونها خبر

عشان تستعد لهم

مو عدله يجون على غفله

كل وحده حسب ظروفها

والله يا اختي اللي اعرفة واتعودت عليه ان النفاس بيتهم مفتوح واساسا الناس هذه الايام مايجون الا باتصال واللي تتصل عيب تردينها الا اذا كان عندك موعد اما احط ورقة على الباب فيها مواعيد ماصارت كأنها مستشفى هذا جزا ناس تأدي الواجب انا لو لقيتها ارمي لهم الهديه من فوق الباب وامشي <<<<<<عصبية مع الحمل خخخخ
هي فترة وتمر الواحد يتجمل فيها مع الضيوف

اتمنى ماضقتي من كلامي

أنا شخصياً أشوف انها حركه مو حلوه أبداً

حنا الزياره عندنا تقريباً بعد إسبوع من الولاده
يبدون الحريم يزورون النفاس
وطبعاً يكون فيه إتصال مُسبق تعطي خبر المره إنها بتجي
يعني ماتدرعم فجأه .. لااا تدق وتقول بجيكم مثلاً بكره بعد العصر
ولا انا جايتكم الليله بعد صلاة العشا وهكذا ..
وتجيب معها شاي وقهوه وحلويات وأحياناً عشا للنفاس ..

أوقات الزياره معروفه عندنا وحنا نكون مجهزين الشاي والقهوه وصينية حلا كل عصر , طبعاً بدون تكلف عشان كذا لو مايجي أحد إلا الوضع عادي مافيه خساير فهمتي ..

ومثل ماقلتلك الزياره تكون العصر , بعد المغرب , بعد العشا ..
ومايطوّلون الحريم بالزياره ..

والنفاس لازم نحط لها سرير بالمجلس تسترخي عليه وبجنبها البيبي .. وماتتحرك , كل شي يجيها وهي جالسه بمكانها هذي عاداتنا ..