بنات البحرين عندي استفساااااار ضروري

سألت الامريكي قالو ما ايسوون الحين

شكلي مالي الا جد حفص

الله ايعيني

اقول اختي ابي اعرف شنو سويتي حق المستشفى من فناتك ؟؟؟ متفرغه لا ؟ بس والله هاليهال بجري و ميته ابي اسوي اشياء لا صارت و لا استوت

أي تخطيط تقصدين ما فهمت ؟؟


السلمانية أحسن لك .. أنا أتابع فيها من بداية حملي وترقدت عندهم 3 مرات في هالحمل .. عنايتهم زينه وما شفت منهم شي ضايقني .. هو صحيح مواعيدهم شوي متعبة تروحين من الصبح بس العناية زينه
خذيلك غرفة خاصة لا تروحين مع الجمعي .. كأنك قاعدة في بيتك ..
وربي يهون عليك ويسهل ولادتك ..

مشكوره حبيبتي الله ايهون عليينه
السلمانيه جربتهم بس معاملة الدكتوره ما عجبتني اقولها ابي حجره خاصه اتقولي مو على كيفج !!!!

و طلعت و قلت الله ليحوجني لهم

من ناحية عنايه و الاجهزه اعرف انهم احسن مكان لأنهم شايفين وايد ناس و كل الحالات

انا ما تابعت كل الردود بس على الحضانه لاتخافين لأن انتي ما شاء الله معديه 34 ويارب تكملين الى الاخير وتولدينهم كاملين مو محتاجين حضانه

بس ردي على اللي مدحو حضانة السلمانيه

انا ولدت بالسلمانيه قيصريه ببنتي وكانت خديج وحطوها بالحاضنه القيصريه نص بنج بس يروح البنج تكونين صاحيه وخذي العذاب وعن الحضانه ظلت بنتي فيها شهر ونص وهي متروسه وبااااااااااااااااء كانت جرثومه للدم تنتقل من طفل الى طفل وكنت خايفه على بنتي حاولت انقلها خاص ما قبلوها ولا حتى العسكري لأني ولدت في السلمانيه وبالاخير لما كبرت وصارت زينه صادتها جرثومة الدم وتوفت واحترق قلبي عليها لليوم ولله الحمد على كل شي السلمانيه ما فيها عنايه واذا عندك تولين في خاص احسن لك واذا كملتي ان شاء الله واوزان البيبيهات ما تحتاج الى حضانه وما عندك امكانيه للتخصصي وابن النفيس مثلا عندك الهلال زوجة عمي ولدت فيها وتمدحهم قيصريه 400 دينار شامل مع الغرفه

مجرد راي

عظم الله اجرج في بنتج و الله ايعوضج ان شاء الله

لا آنه السلمانيه ماشه يدي منهم ماباروح لو شنو ايصير و الله ليحوجني لهم ان شاء الله

ولادتي بتكون في مستشفى البحرين التخصصي صج الكلفه وايد بس الحمد الله خير الله وايد

مستشفى الهلال بنت عمتي ولدت فيه طبيعي ووايد تمدح فيهم اتقول انه معاملتهم وايد زينه

مشكوره على الرد حبوبه