الثلاث بنات

كيفكم حبيباتي
انا عندي ولله الحمد والشكر ثلاث بنات كل وحده احلى من الثانيه لمى كنت حامل في الثالثه كنت اتمنى ولد لكن جت بنت ورضيت من دون اعتراض مجرد امنيه وماتحققت
الحين مشكلتي ان الناس يتدخلون في حياتي حتى زوجي مااعترض بس العالم اللي تقول يوووه ثلاث الله يعينك متى يجي الولد واللي تقول البنات متعبات وغيره من الكلام ماهموني بس ودي مايضيق صدري وهم يتكلمون وش رايكم في الموضوع
كلامكم دائما يريحني
شككككككككككككككككككككككككرا:icon35:

18 تعليق 1,173 مشاهدة

شاركي في النقاش

سجلي الدخول لإضافة تعليق.

التعليقات

18
  1. @aorghanza

    ارضاء الناس غايه لاتدرك

    وسعي صدرك واحمدي ربك على النعمه

    اذا الوحده تزوجت صغيره قالو ليه واذا كبرت قالو عانس

    واذا حملت قالو ليه مستعجله واذا تااخرت قالو ليه واذا جابت بنات قالو ليه مو عيال

    واذا جابت عيال قالو ليه مو بنات وهلم جره

    يعني وسعي صدرك والقناعه كنز لايفنى

    شوفي انا لي كم متزوجه اكثر من 9 سنوات وربي مارزقني بعيال والحمدلله اقوم اقعد اقول يالله لك الحمد

    صح اسمع كلام وكنت اتضايق اول زواجي بس الحين لو يحكون لين بكره مايحركون فيني شعره لان ربي وحده عالم الحكمه من تاخر انجابي

    فانتي فكري بهالطريقه الله له حكمه انه ماارزقك بعيال للحين وبعدين وش فيهم البناااات يسلم قلبهم الله يخليهم لك

    ودايم فكري بالي اقل منك لو لو لعب الشيطان فراااسك يعني حطي نفسك مكاني قولي لو اني زي اورغانزا ماعندي احد بسم الله عليك :) بس يعني مثاال <<<< ماتلاحظين استخف دمي هههههههههه
    عشان كذا وسعي صدرك وصدقيني كلام الناس مايقدم ولايااخر لاتغثين نفسك يابعد قلبي انتي
  2. @albstyh

    احمدي الله عزوجل على ما اعطاكي كلهم خير ونعمه شوفيني انا لي خمس سنوات ماجاني عيال وراضيه بقسمتي ونصيبي
    دعواتك
  3. وش عليك من الناس في ستين داهيه

    واذا احد قالك شيء قولي الله يجيب الرابعه بعد

    عشان ينخرسون الوحده منهم تقط الكلمه وتروح وتحط راسها وتنام واحنا ناكل في انفسنا من القهر

    ياشيخه طنشي الواحد ما يدري وين الخير

    الخيرة فيما اختاره الله

    قدر الله وما شاء فعل

    والحمد لله على النعمة والبنات نعمه بالدنيا والأخرة

    ويارب يرزق كل محروم
  4. ماعليك من احد انا عندي بنتين واختي اللي اكبر مني ثلاث بنات والكبيره مره عندها خمس


    والحمد لله ع النعمه

    لايهمك احد
  5. @alrhykh

    حبيتي انا عندي 3 بنات واحنا 7 اخوات بس الحمدلله والله مع الدعاء مافي شي بعيد عن الله جبت ولدين بعد 3 بنات وامي توه جبت اخ لنا بعد 7 بنات ماعليك من كلام الناس وانا عندي دعاء كنت اقوله وانا حامل وامي كمان اذا تبيه قولي لي

تابعي تجارب أخرى من هذا القسم.