كل من اكلت حبوب منع الحمل اول الزواج.......هل حقيقه ام وهم تاخر الحمل بسببها؟؟

انا اكلت ياسمين بس ماطلع لي لاكلف ولا خربت نفسيتي
بس انا خايفه يسبب لي ضعف او عقم
ابي وحده طمني ان اخذتها وماصار لها شي

اشكرك ع مرورك حبيبتي

يا جماعه انا بعد ابي استفسر زواجي بعد شهر وسألت دكتوره نساء وولاده وقالت لي ان الكلام هذا اشاعه الحبوب ما تسبب العقم الا اذا عندي مشكله عقم من الاساس وتقول اغلبيه البنات الي تزوجوا استخدموا حبوب في بدايه زواجهم وعادي ربي كتب لهم ذريه... انا بصراحه مره متخوفه

بنااات تكفون اي وحده فيكم ترد علي اذا في بدايه زواجها استخدمت حبوب وحملت عادي

انا اعرف وحده تاخذها وتحمل وهي ماتدري لا موحده كثير واذا ولدو يسمون عيالهم الغلطه
كل شي من الله

نصيحه لاتفكرين مجرد تفكير انك تاخذين اي حبوب منع الحمل حتى بعد استشااارة

طبيبه لاتصيرين مثلي

رحت لدكتوره قبل زواجي وقلت لها اني ابستخدم حبوب منع الحمل وابيك تسوين الفحوصات اللازمه

حتى اعرف هي تناسبني ولا لا وسوت لي الفحوصات وكان كل شي تمام

وبعدين سألتها قلت كثير ناس يحذرون منها اول الزواج يقولون تسبب عقم وبلاوي

قالت لا غلطانين كل اللي اخرت عندهم الحمل اخذوها بدون استشاره لكن اللي تاخذها بوصفه

علطول من تتركها تحمل وان تاخرت قعدت شهرين ولا ثلاثه!!

بعدين قالت ابصرف لك اخف نوع حبوب اللي هي ياسمين واخذته واستمريت عليه 7 شهور

والحين تاركتها لي سنه و8 شهور ولا حملت مع اني رحت فحصت وكل شي زين

وغيركذا رحت لدكتوره مصريه وقلت لها ابي احمل وقلت السبب اني اخذت ياسمين اول زواجي

قالت نصيحه مني لاتسمعين اي كلام طبيبه تقولك ماتضر الا تضر وتاخر الحمل عندك كثير

تقول ياما حريم جوني وهم يشتكون منها ولا حمللوا وبعدين صرفت لي كلوميد منشط

واستمريت عليه 3 شهور متواصله وربي ما اراد احمل والحين لي سنه تاركه المنشطات قلت ابرتااح

وارجع اعالج بشهر 7 بمستشفى الحبيب

وحتى زوجي فحص وقالوا له سليم ولله الحمد

ابحط لك رابط واقريه زين وانتبهي تاخذينها سواء ياسمين او غيرها لانها مصيبه

http://forum.hawaaworld.com/showthread.php?t=1705396

http://forum.hawaaworld.com/showthread.php?t=1611227

سامحيني قرقت واجد بس ماهان علي ما انصحك وابين لك خطرها

واذا كنتي ماتبين الحمل استخدمي موانع ثانيه مثل الواقي وغيره لكن الحبوب ابتعدي عنها

واخيرا دعواتك لي انتي وكل من تقرا كلامي ان مايعدي هالشهر الا وانا حامل وكل محرومه وارتاح من هم المستشفيات وهم الناس اللي غثوني بلسنتهم واسألتهم ..

وبالله التوفييييق ... :)