بنات البحرين عندي استفساااااار ضروري

هلا أختي اني ولدت بالتوأم ولادة طبيعية في مستشفى السلمانية




وعنايتهم الحمدلله كانت حلوووة وما في اي شىء ضايقني منهم

الظاهر الناس احظوظ

انتي زين انهم كانو زينيين معاج لأني آنه جتى في المستشفيات الخاصه النرسات ما يعجبوني و ما ايدلعون :35:

بس آنه رايحه التخصصي لأنه لازم دكتوري ايولدني قيصريه لأن كنت امسويه عملية الياف من قبل عنده و اخاف اي احد ايشق بطني غيره :D

انا كنت للشهر الثامن اتابع في الدولي مع دكتوره سنجواني وكنت بولد عندهم بس تالي هونت لأني لو رايحه المركز عنايه اكثر والله اتحسفت على الي صرفته عندهم ما عندهم شي مميز ابدااااااااا غير لفلوس الي ياخدونها على كل خطوه اسوونها يعني مستشفى تجاري بحت من جديه خفت اولد عندهم والحين التاسع اتابع عند دكتوره ساندو في الفاتح السلمانيه وشكلي بولد عندهم بعد لأن الأمريكي لاعت جبدي كأنش رايحه الهند وابن النفيس والتخصصي ما قبلو اولد عندهم لأني مو متابعه وياهم ودخلت التاسع مع اني خايفه من السلمانيه بس شسوي ؟؟؟

الله ايهون عليج حبيبتي

و ترى وايد ناس يولدون في السلمانيه و مرتاحين منهم بس لو اقولج شي اخاف تستغربين مني

آنه اروح للتخطيط جد حفص ووايد ارتحت لهم قلت لو اقدر ابدل كنت باروح جدحفص ووايد احسن من المعامله الي لاقيتها في السلمانيه

بس في الاخير الي الله كاتبه بيصير بس اهم شي اتحصلين حجره

أنا توني رايحة للدولي أول زيارة عند الدكتورة آمال وحسيت ارتحت لتعاملهم

انتي ليه هونتي عنهم؟ طمنيني تكفين خلي أتصرف قبل أدخل التاسع