الموضوع مغلق

تاخذين عيالك معك بالعزايم وعند وحده ماعندها عيال>>قديم+استوفي الردود

مراحب

مدرى وين الله حاطنى اتمنى الموضوع يكون مكانه صح

عندى سالفه ترقع بقلبى ودى اقولها ...

اذا انعزمتى عزومه حريم مثلا ... تاخذين عيالك معك ...

خاصه ان الى عزمتك ماعندها اطفال بعمر عيالك ...

انا دخلت بمجموعه والله انهم حبوبات وسوالفهم وناسه

كل فتره عند وحده نجتمع بالبيت ... بعد المغرب وعشاء وسهره

بس المشكله فيه منهم ثنتين يجبون عيالهم معهم ....

ادرى البعض بيقول عادى ...

اخر مره اجتمعنا عند وحده توها ماعندها الا طفل عمره اربع شهور بس

وعزمتنا المقروده عندها

ورحنا كلنا

وجوا الاثنتين معهم عيالهم

تخيلو وحده معها سبعه مشاء الله تبارك الله الله يخليهم لها

واعمارهم وراء بعض

ست سنوات

وخمس

واربع

وعندها ام سنتين

ووحده بحضنها مشاء الله

والثانيه معها ثلاثه بس عن الف

قمه الازعاج

والله ان بيت الحرمه انقلب فوق تحت

حوسه وتكسير

وحتى حنا يالحريم مافرحنا بالجمعه

ضرب ومضارب

وهواش

وكل شوى جاى بزر يبكى طاقه الثانى

وكسروا كاسات الحرمه

وكبوا العصير على الفرش

حتى الثلاجه بالمطبخ اذا فتحتيها تلقين فيها بزر ... !!

والحمامات حوسه

والمشكله ماعندهم شغالات ...

طيب هم ماعندهم احد يمسك عيالهم بالبيت

وشوله يجون !!!! عند الناس ويغثونهم

اعذرونى يابنات ... بس والله بعض الحريم ماعندها من السنع شي

طيب انا اذا انعزمت عند ناس وعندهم بنت بعمر بنتى ممكن اخذ بنتى معى

بس اقش عيالى عند وحده ماعندها اطفال ... فشله

حتى العشاء قلطوا الصغار قبلنا ... ولا تهنت امهم بلقمه ولاحنا بعد

وهى تركض وراء هذا وتغير ملابس هذا

طيب وش حادك اجلسي فى بيتك

بعض الحريم عندها قاعده

اللى مايبى عيالى مايبينى

لازم يستقبل عيالى قبلى

لاحول ولاقوه الا بالله

المشكله وشو

اجتمعنا مره بوسط الاسبوع

وكانت مدرسه

واغلبهم يدرسون

وتوقعت ماحد يجيب عياله بوسط الاسبوع

تفرق عن خميس وجمعه

ولقيتهم داخلين بوسط الاسبوع

وكل عيالهم معهم:mad:

والله ان البنت الى تدرس باول ابتدائى نامت وسط الصاله حرام قايمه من الصبح

وعندها بكره مدرسه

والسهره امتدت الى 12 فى اليل :time:

والام تضحك وتسولف عادى:hahaha:

بتقولون ظروفهم كذا

ادرى ماعندهم احد يمسك عيالهم

بس بعد مو مبرر اغث الناس بعيالى

تخيلو الى عزمتنا ا لاخيره الى عندها ولد بس عمره اربع شهور

بيتها صغير على قدها

والصاله عندها صغيره

لما دخلت هذه مع عيالها

امتلت الصاله منهم ... وهجموا على التمر والحلى .. والعصير وكسروا المناظر
وصاحبه البيت تبتسم وتقول عادى

فدوه عيونهم ...

ولسان حالها يقول : جعل عيونهم مانى قايله





ولما جوا بقيه الحريم والله مالقوا مكان يجلسون

الى منسدح ونايم

والى جالس عند امه

والصاله صغيره

صاحبه البيت مسكينه انحرجت:35:

والله ياخوات انها فتحت غرفتها الخاصه غرفه نومها

وطلبت من امهم اللى نايم توديه الغرفه ينام هناك

اجل وين يجلسون الحريم ...

والتلفزيون كان شغال

وخربوه يشغلونه ويطفونه

وتخيلوا وحنا جالسين نسولف...

كل شوى تطفى المبه ونصير بظلام :icon33:

يلعبون باللمبات ....:44:

والولد ضرب البنت بفنجال قهوه وورمت جبتها

وفزعت راعيه البيت وجابت الفكس

وحاله ...

والله انى رجعت البيت اكلت بنادول راسى صدع من الازعاج

وانا طالعه

اطالع ببيت الحرمه

انقلب فوق تحت مسكينه

يبى لها اسبوع تنظيف ...

او تجيب شركه تنظيف من الحوسه

بصراحه بعض الحريم بعيده الفهم عنها

ظروفك كذا ومافيه احد يمسك عيالك لاتجين العزومه

لو تشفون حالنا كاننا بحراج:44: مو جمعه ووناسه

الاسبوع الجاى بيجى دورى بالعزومه

اصبروا خلونى اصيح :icon33::icon33:

والله شايله هم

احب مع على قلبى ان احد يزورنى بالعكس ...

بس بالطريقه

وانا بكل روحاتى لهم ماخذت عيالى معى

الكبار ينامون بدرى مدرسه

والصغير عند ابوه ...

حتى لو عزمت بوسط الاسبوع بيجون عيالهم وبيدخلون على عيالى وهم نايمين ويصحونهم

اقولكم عليهم لقافه تخرع

وفيه وحده ثانيه عزمتنا مسكينه حامل وبدون شغاله

ومع هذا جابو عيالهم لاحشمه ولاتقدير

رغم ان ماعندها عيال توها عروس وحامل ببكرها

وش رايكم .....

معى حق اعصب ....:icon33:

انتم وش تسون تاخذون عيالكم معكم لكل عزومه؟

264 تعليق 40,632 مشاهدة

شاركي في النقاش

سجلي الدخول لإضافة تعليق.

التعليقات

257
  1. @mkan_khas

    لا يختي مب كل عزومه حريم الوحده تاخذ عيالها خاصه اذا رايحه جمعه وتعرف انه مافي اطفال
    يمكن مره من المرات الوحده تنزنق ومتلاقي من يمسك لها عيالها مره وحده ما تضر بس مش كل مره
    خاصه ان الناس ظروف و مثل ما قلتي الي ما عندها شغاله و الا الي الحامل وش ذنبها
  2. @danya_aldloaah

    شيلتيني همك
    ايش بتسوين؟
    شغلي لهم DVD
    واستنجدي بشغالة اهلك او وحده من خواتك00
    ممكن تعتذري بلباقه انهم مايجيبون الكبار عشان مايصحون عيالك00
    والرضع مايخالف استقبليهم
  3. ياحرام كسرت خاطري المسكينه
    اتخيلها يوم خرجتوا مع الباب فرحانه ههههههههههه
    غلط غلللللللط اللي تعرف اطفالها اشقياء تاخذهم معاها ... واصلا احرااااج للام من كثر الشكاوي والتكسير
  4. انا لا اخذ اطفالي معي الى العزايم اتركهم عند امي اما الان لقد سامت امي من الاطفال لان كل اخواتي تزوجن واولادي صغار من عشر سنين الى عام وهم ستة ما شاء الله عليهم لكن والله منظمتهم كاني لايوجد عندي اطفال لكن ارفض ان يذهبوا معي لاني لااستغل الجلسة فما فائدة خروجي وخصوصا ان الناس تغيرت واصبحوا لايقبلون حضور الاطفال وكل واحدة عندها عفش جديد تخاف عليه
  5. @shfth_bfrh

    مو حلوة إن ياخذون عيالهم كلهم... يمكن أصغر العيال ((إلي بالحضن))) لكن الكبار ومالهم من أهل البين من سنهم ... صعبه ومو حلوة

    آعرف وحدة كذا تقول إذا ممنوع عيال أجل ليش يعزموني... يعرفون إني عندي عيال... وأحيانا تاخذهم مع إنها تعرف إنه ممنوع العيال... والكل يتضايق من طريقتها... وهي ولا علا بالها ... صحيح عيالها 2 وهادئين ... بس بعد إحترام رغبة إلي عازمتهم واجبة

تابعي تجارب أخرى من هذا القسم.