شاركي في النقاش

سجلي الدخول لإضافة تعليق.

التعليقات

257
  1. @basand_1

    سبحان الله انا اعاني من نفس المشكله

    انا ماعندي غير بنت عمرها سبعه والثاني ولد عمره سنه ونص يوم كانت بنتي صغيره كانت مررره حركاتها كثيره والله ماخرجت لاحد بس عند جدتها ام زوجي لان عندها حوش فارتاح الين صار عمرها تقريبا 3 سنوات صرت اخذها معي والكل يمدح في هدوئها وانا اقول في نفسي والله لو تشوفونها وهي صغيره ماتحملتوها والحين مع ولدي الله يصلحه ويهديه مرره مزعج طول الوقت هاتي طلبات وصيااح فاعتزلت الناس مؤقتا والكل يسال عني يقول اشفيها مختفيه هي وعيالها فماصرت اروح الا لخالتي اللي هي ام زوجي بس واذا اطريت ازور احد لتأدية اتركهم عند خالتي لانها عندها شغاله واعرف انهم بالحوش يعني مامنهم اذى

    بس شوفي اللي يجوني مع اني قاطعتهم من يوم جبت ولدي يحوسون بشكل ماتتصورونه حتى التايد يحطونه بصحونه ويذوبونه بمويه ويلعبون فيه والسيفون يكسرونه والدواليب مفتوحه وحوسه ولا يفوتكم يقعد يصيح لامه يبي كاتشب فتروح تعطيه عشان تفتك من حنته وتسال اذا فيه خبز

    والمشكله انهم مايروحون الين يتعشون والله يامرض امرض وراهم خصوصا اني عندي روماتيز ماانام الا بالمسكنات واذا قالو ليه ماتجين عندنا اقولهم والله الين يكبر حموودي ويعقل بعدين اجتمع مع الناس يردون علي يقولون والله انك مو بصاحيه تحرمين نفسك من الطلعات عشان بزارين

    وترى هذا ربع من معاناتي اللي اعانيه من عايلتنا وبزارينهم
  2. @am_shhrzad

    اول شئ العتب على الام اللي تخلي عيالها يعيثون في الارض فسادا ولا تقوله اجلس يابزر واذا ماجلس تسحبه

    عندها وتجلسه غصب ولا ترجع بيتها احسن لها واكرم..

    ثاني شئ:اللي تقول انا ماخذ عيالي الا لاهلي ولا اهل زوجي اقولها حتى الاقارب يبغالك تنتبهين لعيالك وتصالينهم

    ولا عشانهم اقارب حلال فيهم الحوسه والتخريب..

    ثالث شئ اللي تقول اخذ عيالي اذا كان فيه احد من سنهم اقولها هذا ادهى وامر لانهم اذا اجتمعوا مع بعض دمروا الدنيا

    علشان كذا الافضل الطلعه تكون خارج البيوت احسن وانفه..

    والله يعينا ويعينكم على تربية عيالنا .
  3. @soso_85_2

    هذول حريم عقولهم صغيره ولا يراعو ظروف الناس
    وواضح من اطفالهم اللي ماقدرو على تربيتهم ويقولولهم عيب
    ياحرمه اذا ماتقدري على التربيه لاتقعدي تحملي كل سنه وتزعجي المجتمع بعيالك
    قسم بالله امي بس كانت تطالع فينا الكل يقعد مكانه ولايتحرك الين ماتقولنا قومو هذا لما كنا نروح عند عماتي واحنا صغار


    هذول قرود مو اطفال

تابعي تجارب أخرى من هذا القسم.