턠╚▒█╗☆ண╰㋞ بنــات ♥ ♥ بريطانيــــukــــــــــا حياكم الله ـ㋞╮ண☆╚█▒╗턠

السلام عليكم

وش اخباركم يااخوات؟

منزل مبارك للجميع

ابسال عن هالمحلzeleb وين القاه بلندن هو محل لفساتين السهرة

وفيه احد استخدم واقي الشمس حق ازدا للكبار والأطفال

مالقيت صورته والا كان نزلته

جزاكم الله خير

منزل مبارك يا شموله وربنا مايحرمنا منك يومه شماليه
ومنزل مباك لكل البنات الجدد الاشرفو بيتهم الجديد

الف مبروووك البيت الجديد يابنااات



يالله حيها

الحمدلله انك عرفتي وش فيه عشان ترتاحين نفسيا...والله يشفيه ويخليه لكم يااارب


مشتاقه لك

الله يعينك ياقلبي ..انا اللي اعرفه ان العظيم يبيله زي التمريخ مدري ترفيع يعني الادويه ماتسوي شي...مابي اخوفك لكن ضرووري تعرفين كيف طريقه التمريخ....وبعدين بسألك انتي شلون عرفتي انه فيها؟؟


ام هنووو

ماشاء الله الف مبروووك ..مابغت تطلع النتيجه


رد بتر فلاي

بسألك عن البف باستري اللي حطيتي صورتها هي زي حقتنا اللي بالسعوديه والا مصلحه وجاهزه..شكلها كأنها للتسخين بس؟؟لاني كل ماخذيت وحده افتحها القاها غييييييير كأنها رقائق سمبوسه :( والصراحه توهقت يااااليت يابنات وحده تفيدني وين القاها ووش صورتها بالضبط


بترا


بالنسبه لنا اول ماطلع صدق خفنا لكن ترا وضعنا غييييييييير عن اللي تشوفينه بالاخبار كمامات ودنيا...لا كل شي طبيعي الناس يمشوون وعاادي الوضع عندهم...والحمدلله ببريطانيا ماهو منتشر مره..يعني توكلي على الله ولاتخافين

لميس

ماتشوفين شر وكلنا نفس الوضع انا وولدي الاسبوع اللي فات تعبنا مادري وش السالفه هالايام كل الناس تعبانين الظاهر من تقلبات الجو

وبالنسبه لصاحبه البيت مااتوقع انها بتفتش الدواليب والملابس يمكن بس تلقي نظره عاامه على البيت عشان تتأكد من سلامه الاثااث ...انتي بس اهم شي خلي البيت مرتب ونظيف ولاتشيلين هم

منزل مبارك ان شاء الله وعامر بأهله
اختي lmaisانا امس كانت عندي صاحبة البيت بالنيابه "يعني احد نايب عنها ياشركه او اهل العقار"المهم جت ما كملت ولا خمس دقايق تشوف الشقه بشكل عام مع اني يوم كنت بروح اشوفها وش تسوي بالضبط قالت ارتاحي انا بشوف شغلي طاح وجهي خخخ ورحت بالصاله كان معاها ملف اول مادخلت تسجل بس ماش ما ارتحت ابي اشوف وش تسوي المهم رحت غرفة العيال بزعمي اجلس عالكمبيوتر وانا اصرف ابي اشوف وش تسوي كانت بالحمام وبعدين طلت علي وقالت باي بس
وانا كنت مثلك شايله هم ومنظفه البيت ومبخرته وكلش تمام بس الله يستر منهم يشوفون اللي ما ينشاف خخخخخ اتمنى اني افدتك
بالمناسبه فيه وحد من الاخوات نسيت اسمها ولا اقدر ارجع للملف السابق عشان ادوره حطت لنا روابط لتعلم اللغه ابي اشكرها من زمان لكن الباسوورد
حقي نسيته حق المنتدى المهم اشكرها من كل قلبي اله يجزاها عنا خير واسفه عالتطويل

أم هنووووووو
عالبررررررررررررررررركة ماشاء الله تبارك الرحمن
الله يوفقك في خططك المستقبلية ويسهل أمورك
اعذريني والله توني أدري انك امتحنتي
كنت مشغولة ..
الحمدلله يا أختي فرحتيني .. والله انك تستاهلين كل خير

مشتااقه لك
الله يشفي بنتك
وشلون عرفتي انه أبو عظيم؟
الله يشفيها ويعافيها



وعليكم السلام ورحمة الله وبركاته
والله أختي عايشين حياتنا طبيعي زي أول
هم هنا صاروا يحرّصون عالنظافة .. ويقولون لازم نغسل يدينا بموية وصابون أول ما نرجع من برا
طبعاً هذا الشيء دايم نسويه تلقائي :)

ولما تعطسين لازم يكون معك منديل والمنديل لا تستخدمينه مرة ثانية على طول ارميه في الزبالة أعزك الله


يعني بس هذي الإجراءات اللي سووها

بس الوضع جداً عادي
إذا كنتي سعودية أكيد تذكرين الوادي المتصدع وحمى الصنك وهالأشياء وربي حمانا منها بفضله
يعني لاتخافين وتوكلي على الله .. لن يصيبنا إلا ماكتب الله لنا