روحي للمستشفى هم ابخص فيك ولا وشوله فاتحين مستشفيات؟؟؟ لاتاخذين براي احد .. هاذي نفس ....
انا صارتلي نفس مشكلتك بس كنت لسى باقي اسبوع واكمل الثالث .... ورحت للشميسي للاسعاف واكشفت علي سودانيه من تحت قالت مافتح الرحم يعني مو اجهاض ... روحي ...
ولا سكت رحت للمستوصف واخذت تحويل عاجل للشميسي مره ثانيه ... ولما جيتهم كان يوم الاربعاء ... قالت تعالي الاربعاء الجاي هذا اقرب موعد بالنسبه لحالتك ... قلت معليش انا اخاف اجهض وانتي السبب ... قالت خلاص بأشوفلك موعد اقرب .. تعالي السبت ... قلت اقول دخليني اليوم مو معقوله فل العيادات ... حاولي ... وسايستها قعدت تطقطق بالكمبيوتر قالت اوكي ادخلي على الدكتور ...
ودخلت على الدكتور قال وش يجي معك قلت افراز بني كأنه دم مستمر معاي .... قال اوكي روحي خذي موعد اشعه ... رحت للمواعيد قالت بعد اسبوع وارجع للدكتور قلت معليش بس انا لي اسبوع على هالحال اخاف يصير اجهاض دخلوني اليوم على الاشعه وتأكدو وريحوني قال اوكي وكتب لي اشعه ودخلت ... سوت لي وحده سعوديه الاشعه وماكنت شاربه مويه قالت كل شي كويس بس بتأكد من شي ونادت وحده ثانيه وفغصو بطني بجهاز الاشعه قالو روحي للدكتور ... رجعت للدكتور قال الاشعه سليمه ولله الحمد اكيد اللي فيك التهابات وعطاني مضاد قال انتي بنهاية الثالث ان شالله مايضر ... واخذت المضاد لمده اسبوع وتعافيت ... والحين والد لي شهرين واسبوع الحمد لله .... فلا تهملين اختي شوفي طلع معي التهاااااب ....
نزل علي دم بني وانا ببداية الثاني .. هل هذا انذار لاجهاض
متابعة النقاش، صفحة 4