السلام عليكم ورحمة الله وبركاته
اتوقع انكم عارفين قصتي في تاخر الحمل
وعشان كذا انا رحت لحرمه تعالج طب شعبي وكشفت على بطني وسالتني بعض الاسئله
الي على اساسها عرفت علتي على حد قولها وحطت فيني كذا عله وهي
1التابعه ولازم قرايه وهالقرايه ماهي نافعتني الا اذا اخذتها من عندها
2 فيني صكك في الرحم بحيث انه اثناء الجماع الرحم مايضم السائل المنوي
3فيني خوي وهذا يبي لهومات وبلاوي ونفاس من جديد !!!!!!!!!!!!!!!
بعد ست سنين نفاس ثاني
وبعد قالت فيني شي رابع وهو مشوع في الرحم وهومن شيل الثقيل
بس الي انا متعجبه منه وشلون عرفت وهي بس حاطه اصبعها على السر
وطلبت مني مبلغ وقدره للقرايه الفين ريال
وللهوم الفين ريال
وكانت مصره اني اخذهم لدرجة اني اقولها مامعي فلوس
تقول ماعليه مارح يضيع شي يعني راح تجيبينهم لي
زاد الطين بله انها تبي بعد فلوس لوصار حمل قلت حشا لوه برفسور ماخذ مني هالمبلغ
انا عارفه اني طولت عليكم
الزبده اني ابي اي وحده تعرف شيخ ثقه يقراء سواء في الرياض او القصيم
انه ترسلي اسمه ورقمه على الخاص او العام
شاركي في النقاش
سجلي الدخول لإضافة تعليق.
التعليقات
9- تكفبن اذا لقيتي شيخ يقراء في الرياض ارسلي رقمه على الخاص واذا كنتي تبين في القصيم علميني من اي منطقه في القصيم وانا ارسل لك رقمهم
- مشكوره على المرور وانا من الرياض فيه ابن جديد وابن عاصم
وابو عبدالله الاصقه وها الاخير في شرق الرياض وهويقراء في استراحته
واذا حصلت ارقامهم راح ارسلهاباذن الله
ياليت ترسلين لي بعض المشايخ الي في القصيم وارقامهم في منطقه انا
مستعده اروح ان شاء الله - بصراحة اشك انها دجالة مو داية لو انا منك تركتها صحيح احنا نشتاق للحمل ونتمناه اليوم قبل بكرة بس لازم محد يضحك علينا
ويارب تحملي ولا تحتاج لشي غير ربك - انا عندي نفس المشكله ورحت لحرمه تقرأ وقالت لي عندك التابعه وخوفتني لاني عمري ما سمعت عنها وصرت اوسوس بنفسي وعلى قولك هي ماديه مره الجلسه بميتين ريال ويمكن تاخذين عندها عشرين جلسه لاكن ماهي خساره لو احمل وكله بامر الله اللهم ارزقني بالذريه الصالحه انا وكل من تمنت ذالك لاكن ودي اقول شي ما فيه افضل من قراءه صوره البقره كل ليليه فهي مداويه لك شي واعرف وحده حملت بعد قراءتها صوره البقره على نفسها كل ليله :26:
- الهي يامن فلقت البحر لموسي ان ترزقي اخويتي من غير علاج .انك قادر علئ كل شي .
اتركي عنك هل مراة بصراحه استغلاليه الي ابعد الحدود عليكي بقرات سورة البقرة كل ليله من المسح علي بطنك كل يوم بالزيت المقري وشرب ماء زمزم كل يوم .
الاستغفار والصدقه والدعاء بين الاذان والاقامه.
الله ما حايردك خائبه باذن الله.
مواضيع مشابهة
تابعي تجارب أخرى من هذا القسم.