مشكورة دكتورة على المجهود الي اتبذلينة لنا جلعة الله في ميزان حسناتج
بس دكتور انا محتاجة لأستشارتج قبل لا ينقطع عني الحليب
انا ام لطفلة عمرها الحالي 5 شهورواسبوع تقريبا من عمر الولادة علشان ولدتها بأسبوع 34 و4 ايام ولادة مبكرة جبتها بوزن كيلو و650
وظلت بالحضانة 24 يوم وفي طول فترة تواجدها بالحضان ما كان عندي خلفية
ان لازم اشفط اقل شي بين 3 ساعات
وخصوصا اول الأيام ما كان اقدر ارضعها طبيعي الا بعد اسبوعين تقريبا ولما رضعتها ما كان عندي حليب الا قليل جدا جدا
يعني يا دوب ينقط بس
بعدين استمريت اعطيها الرضاعه علشان ورزنها ما ينزل وبعد ما ارضعها من اتصيح اعطيها صدري اتمص منه علشان يرجع الحليب
الحمد لله بفضل الله سبحانة وثم اصراري على ان بنتي ترضع طبيعي مثل اخوها سنتين صارت ترضع وبدى الحليب يرجع بس طبعا مو بكثرة ولدي
وزنها من اسبوع 6 كيلو 375
اعطيها حاليا من رضعه صناعي الى رضعتين فقط واتكون ايام ما تشربها بالمرة علشان ما اتحب الصناعي متعلقة بصدري ومضطرة اعطيها رضاعه علشان السفر في فترة غيابي عنها
بس الحمد لله احس بالوخز فيه يسيل بعض الأوقات من صدري بس ما يتحجر مثل بولدي البكر كان يشرب على طول يمكن كل 10 دقائق
ماادري اذا مااتحجر صدري هل يعني ان فيني حليب كافي؟؟
المهم انا الحين في حيرة من امري واتمنى اتفيديني بخبرتج صدعت راسج بس علشان اتكون عندج خلفية عن حالتي
انا راح اسافر ان شاء في تاريخ 1\7 لظروف الدراسة وتقديم الأمتحانات خارج دولتي
وراح اغيب لمدة 13 يوم وما اقدر اخذ البنت معاي وانا خايفة خلال هالتفرة اعاني من جديد ان الحليب ينقطع او تفطم نفسها وتكرة صدري
انا ما اقدر اتخيل نفسي ما ارضعها من صدري وخايفة ارجع وما عندي حليب شنو المفروض التصرف السليم علشان الحليب يزيد ما ينقص وانا مسافرة عنها
وهل في شي اقدر اسويه من اكل علشان يزيد الحليب ارجوج دكتورة شرحي لي بالتفصيل الخطوات الي لازم اتبعها علشان حليبي يزيد لماارجع لها وما ينقطع
ولج مني دعوة بظهر الغيب
واسفة طولت بس علشان اقدر اوصل لج حالتي
ومشكورة مقدما
كيف يزيد حليبك الطبيعى؟طرق علمية جديدة
متابعة النقاش، صفحة 7