السلام عليكم يا بنات حواء...
بقولكم السالفه وقولولي شو اسوي .....
من اسبوع تقريبا رحت الصالون لا وبعد صالون معروف بشغله الزين...
وطلبت اسوي تمليس قلت دام انه شعري ما يطيح وحليو بسويه وفوق هذا كله ما صبغته من زمان ....:29:
يلستني وسارت تحط التمليس في المله وانا كنت اشوفها شو النوع اللي تحطه....
كانت تحط بو الريحه الاحمر من ماركة ويلا....:01:
ويوم سألتها قالتلي هذا مانو موجود انيبه من برع المهم عرفت انه جذبت لانه ريحته شاله الدنيا ....
وحطته على راسي وسبحتني فيه اتلاص على ويهي وسكت ... وبعدين فركته على الفروه
استغربت اول مره اشوف تمليس يحطونه في الفروه وبعدين يسحونه ...
المهم سوتلي ومطته بقوه كم مره علشان ينعم تتحسب شعري شعر حصان ...:06:وبس
لكن الله لا يوريكم شو استوى على شعري والله اني اصلعت من جدام بشكل دائري كبير ...
وبدا يطيح من الجوانب والله ما اقدر امشطه لانه يطيح بشكل فضيع ....:(
ومكان اللي تصلع الشعر الحين نابت ويبين ..:06:
ابغي شي يطول الشعر النابت بسرعه قولولي اشتكي على الصالون والا شو اسوي؟؟؟:44:
شاركي في النقاش
سجلي الدخول لإضافة تعليق.
التعليقات
11- الله ياخذ ابليسها هادي ماهي بكوفيرة هادي مجرمة وما عندها احساس ولا خبرة الغبية لو هي قرت على الغرشة حقت التمليس بتلاقي مكتوب بالعربي لا تقربونه من الفروة وهي تفركه بفروتك حسبي الله عليها يا شيخة قهرتيني اي والله شنو الوحدة شعرها تجارب للي ما عندهم ذمة
اختي دوري على منتوجات زين الاتات ترى عندهم بخاخ مرة حلو حق الشعر والفروة بس ان نتايجه يبيلها حول الشهرين واكثر واجد استفادن عليه وهو اعشاب طبيعية ما منها خوف وانشالله ربي يعوضك وافضلك تروحين دكتور جلدية يفحص لك الفروة
وسلامة شعرك:26: :26:
اختك ويش حلييييييلي:27: - الله يعينك يالامووووووووووورة
لالتشكي لي ابكي لك بس انا الحمد لله ماقرعت بس احترق وصار متشابك ويابس مثل الليفةالله يعوض علينا - مشكوره اختي ويش حليلي على الرد ... لو اني سويته با البيت بروحي احسن .. والله اني ندمانه مب قادره افكه ولا وامشطه ... انا ما بخليها تعدي على خير .... لازم اروح واراويهم شعري ...
مشكوره اختي قوقا على ردج .. هاذي قرصه لنا علشان ما نسويه مره ثانيه ....
قهرتني مررررررة بصراحةةةةة
تستاهل اي شي تسوينه فيها
تكذب و بعد تخرب شعرك ؟؟
بصراحة إذا تقدرين تشتكين لازم تشتكين .. إذا كنتي بالرياض ماأضمن بيسوون لك شي يمكن بالكثير يرجعون فلوسك ، هذا اذاااا اقتنعوا انه بسبتهم حسبي الله عليهم
يخربون شعورنا والدفع مقدم
تجارب على روس الناس :11:
احسن شي تسوينه تروحين لطبيب جلدية ، عشان تعالجين الأمر من جذوره
أتمنى لك كل التوفيق- ما تشوفين شر و ان شاء الله يرجع شعرج احلى من اول
والله الدواء الوحيد اللي معترف به من وكالة الغذاء و الدواء الامريكية FDA انه ينبت الشعر و ينشط البصيلات هو مينوكسيديل روجايين بتركيز 2% أو 5% و يستخدم يوميا كبخاخ على الفروة و لكنه ما ينصح به للي ضغطها منخفض و اذا متشككة من الدواء استشيري الطبيبة
مواضيع مشابهة
تابعي تجارب أخرى من هذا القسم.