للأسف أمـي اكبــر صدمه بحياتي !! ياليتها مو امي .. عطوني الحل<قديم

اتصلي على الهيئة وعطيهم رقم الشاب الله يهديه وشباب المسلمين

الأخت الغاليه....... اللي مسميه نفسها صدمتني أمي وإن شاء الله راح تغيرينه ل رفعت راسي أمي ..

أناراح أكلمك مثل أختي .. وراح أقول لك كلام كثير بس أطلب منك حبيبتي حاجه وحده أول شي قومي الآن وتوضي وصلي ركعتين وريحي أعصابك بعدين تعالي كملي قرائتك...

شوفي ياعيوني مشكلتك عويصة ومتشعبة ولا تظنين إن حلها سهل أوسريع , أو بيد شخص أو شخصين..


أولا / قلتي أمي مسحورة.
زين إنك ذكرتي إن أمك مسحورة وكأنك عاذرة أمك .. السحر ياعيوني ترى ماهو شي سهل وفوق هذا إنه غصب على الواحد يعني مو بكيفه , السحر يأثر فيه ويخليه يسوي أشياء مو واعي بعمرة ويمكن يكون اللي في أمك من تأثير السحر , أنا ما أبغى أتهم أحد وأقول إن اللي ساحرها فلان أو فلانه اللي كتب الله حصل .

العلاج :1/ حصني نفسك وإخوانك وأخواتك ووالدك كل يوم بأذكار الصباح والمساء .
2/ شغلي الرقيه في البيت وممكن تحصلينها من موقع شفاء للشيخ السدحان . وشغلي بعد سورة البقرة يوميا لأنها كماذكر النبي صلى الله عليه وسلم تطرد الشياطين ولا تستطيعها البطرة أي السحرة .
3/ جيبي ماء مقروء فيه وياليت يكون زمزم وإذا ماحصلتي جيبي ماء عادي وأقرأي أنتي فيه سورة البقرة وآيات السحر والعين [ بتحصلينها في موقع شفاء ]بعدين روحي لبرادة البيت وكبي الماء فيها , وبكذا راح الوالدة تشرب ماء مقروء فيه وهي ماتدري .
4 / شوفي إذا كان عندك إخوان كبار وعقال , أو خوال , أو أي أحد من جماعتكم القريبين عاقل وغير متسرع كلميه عن المشكله بعدم انفعال وقولي لازم نرقي أمي رقية مكثفة , طبعا أنا استبعدت الوالد لسببين : أنه بيجلس طول عمره يشك فيها ويشك فيكم كلكم . وبعدين بتكون الأمور بينهم حساسة جدا وبتطلع عن أساس المشكلة ويكمن يطلقها .


ثانيا / صورك ..

يابنات نصيحه والله مافيه وحده صورت نفسها إلا وجت الطامه على راسها إلا من حرم الله ..
روحي لجميع الصور اللي عندك لك أو لخواتك أو للوالدة واحذفيها كلها ولا تشاورين أحد ولا تقولين بحفظها في الكمبيوتر أو أو استعيني بالله واحذفيها .

المشكله بقت الآن في صورك اللي الوالدة الله يفرحكم بشفائها أرسلتها للرجل ..
أنا ياأخيتي زوجي رجل هيئة في الرياض وزملائه في أغلب فروع الرياض يمر عليهم مشاكل أكبر من مشكلتك وبعون الله يقدرون يحلون معظمها ..
مقصودي إني أطمنك وأقول قضيت الصور مالها إلا الهيئه وممكن أعطيك أرقام المراكز اللي تبغين كلمي الشيخ وقولي أبغاكم تساعدوني عندي مشكله كبيرة وبيحدد لك وقت تتصلين فيه بعدين راح يسمع منك بصدر رحب وفي أغلب الأوقات مايطلبون اسمك بس يطلبون معلومات مثل رقم الشاب ورقم أمك والأوقات اللي يكلمون فيها ويراقبونهم ثم يمسكون الشاب ويصادرون الصور ويمكن عنده صور بنات المسلمين غيرك ..ويتلفونها على طول.
أطمنك بعد إن القضايا الحساسه زي الصور والشرف مو أي عضو يمسكها بس الرئيس ويرشح معه واحد وإلا اثنين ثقة ونادر مايدخل أهل البنت في القضية .
يعني توكلي على الله وكلمي الهيئة فورا قبل ماتنتشر صورك ..
ثم كلمي أحد ثقه من قرايبك وقولي له إني كلمت الهيئه لانه يكمن من باب الحميه والغيرة وعدم الثقة في الهيئة يرفض انك تكلمينهم ...


بقى ياعمري ثقتك بأمك أنا والله ماألومك في أي شعور يبدر منك تجاه أمك لكن تبقى أمك عامليها ببر وحنان توددي لها حتى لو كان قلبك يأبى ذلك ..

وراقبي أمك زين في كل تحركاتها وسكناتها وحاولي لما تطلع السوق إنك تروحين معها ولو رفضت روحي بسيارة ثانيه خليك حولها حتى لو بغت تنزلق تمنعينها ..

لا تخلونها على راحتها يمكن لو التقت بالشاب زيادة على الفضيحة والذنب يمكن تنقل الأيدز لكم أو غيرة من الأمراض المعدية ...

الله يوفقك ياحبيبتي ويكون بعونك وزين انك دخلتي موقع زي هذا إن شاء الله تلقين فيه الناصحة الصادقه..

لاتنسين الدعاء والصدقه بنية تفريج الكربه وطمنينا عليكم راح أكون متابعه لك

وفقك الله وحماك ووالدتك وجميع بنات المسلمين ورد كيد أصحاب الهوى والشيطان في نحورهم



لاحول ولاقوة إلابالله العلي العظيم
معناها التحول من حال إلى حال


أكثري منه غاليتي

الله يستر عليك دنيا وآخره حبيبتي..

الله يهديها يارب