زوجي تزوج علي و ؟؟؟؟؟

ادخلي بلقيس والله علمني اشيا غافله عنها وقوى قلبي عليه انصحكم فيه

الله يهديه ويسخره لك

ادعي واستغفري الله

وشيلي الهم من بالج ...ورجعي نفس ماكنتي قبل واحسن لان اهو الحين يشوفج كل نكدية وتبكين وعينك منفخة تكشخي واطلعي له بصورة احسن من قبل , و حاولي تشدينه لج . وان شاء الله راح تنسين زواجه الثاني

:44::44::44::(:44:

شفتي هذا اللي بالاحمر هو خلاصه المشكلة ودافع الحل ..

مشكلتنا في هذا المجتمع شووو ؟!!

اذا حبينا لصقنا في اللي نحب .. فاهمين انه نحبه و نكبب حبنا عليه بالكليو وخلاص الحياه تموت بدون ما نحبه و نكبب هالحب ..

الاستغفال والاستغلال والتهميش حتى بالعواطف و اللعب بالمشاعر يصاب بها دائماً الشخص المعطاء بالحب حتى من شريك الحياه .. و الرجال بشكل خاااااص بالساهل يسويها ولا تهونين عليه أبد ..

طيب يالغاليه حبيه ما احد قال لك لا ...

لكن فيه استراتيجيات للحب يا قلبي لازم تتبعينها ...

يعني احبك واموت في تراب رجلينك بس هذا بقلبي ما اطلعه ...

احبك أيوه نعم بس احب نفسي بعد ...

من قال مابين الرجال وزوجته كرامه واحترام ؟!!!!......

هذا العنصرين اهم من الحب خصوصاً الاحترام بدونه تذوي وردة الحب ..

زوجك مالقى اللي يبي لا عندك ولا عندها ..

ولو هو لاقي اكتفى لانه زواجه دليل على رغبته بالاكتفاء من نواقص لكن للاسف ما لقاها وخاب أمله ...

الشيء اللي قليل من البنات تفهمه انه السر في الجاذبيه والاعتداد بالنفس ...

وهذي منبعها الثقه بالنفس .. وهذا كله يخلق الغموض بالشخص ..

الرجال يحب المرأة الغامضة الغير معروفه تصرفاتها وردات فعلها ...

اللي واثقه من نفسها وأفكارها بدون تزمت ولا عناد ولا تكون النظريات اللي مؤمنه فيها غلط بس تبي تقول لا وخلاص..

لا .. عندها وجهت نظر مدروسه ومنطقيه وماتسمح احد يغيرها بنفس الوقت تبين للي قدامها تقبلها لاختلاف وجهات النظر ويبقى اكون اقتنعت او لا ...

كمان استراتجيات الأنوثه وفنون الفراش هذي لوحدها عالم ثاني ..

ما يهمه الرجال وحده توصله للباب و ترتب اغراضه مادامت في الفراش ميح ..

ولا هو نجاح الفراش بالريحه الحلوة والقميص والاجواء ..

لو كان كذا كان ما حصلت الخيانات مع الخادمات في سراديب غرفتها المخيسه ..

السر فيك انتي في تفاعلك انتي واستجاباتك و انطلاق رغباتك بلا قيود ...

بدلي الصياح بالتفكير والتخطيط ...

كيف تكسبين حبيبك ... ليش تجي الغريبه تخطط تسرق زوجك و تخليه يلاحقها واهي مسويه ولا داريه بغرامه !!!! ...

وانتي كزوجه وين دورك ؟؟

انا اتكلم بشكل عام للزوجات ...

اذا كانت بنت الاسواق تقدر تسحب زوجك على وجهه ... هل انتي اقل منها في افكار الدهاء ؟!...

ولا عذرك متربيه وبنت أصول ؟... ترى هذا ماله دخل في التربيه و الاصول .. انتي تطبيقين على حلالك ومن حقك ..

و الرجال يحب حياة اللعب والشقاوة ما تخليه يمل ...

انتي أولى بهالشيء ...

لعبه الكرر والفرر ناجحه ...

متوفرة وغير متوفره ..

فاضية ساعه و عشرة مشغوله ..

حبي أعطيك إياه بالقطاره ... وعلى شكل مكافأت ....

بدون إذلال مثل بعض الحريم مافي فراش لين تسوي اللي أبي ..

كلها عبارة عن : فنون الغموض + فنون الفراش ..

اعرفي انه بشخصيتك هذي انتي تنحشين الرجال للأبد وما راح تكسبينه ...

اعرف شعورك و اعرف النار اللي بقلبك لاني انكويت منها بس تعاملت معها من الخارج بطريقه أخرى رغم البركان اللي بداخلي ...

خلي دموعك وانتي حاضنه الارض لرب العالمين ابكي في سجودك طلعيها كلها وانتي تدعين ربك يثبتك ويبرد قلبك ولا يجعله اكبر همك ويسخره لك غصب عنه و يدلك ع الطريق السليم لاحتواءه ...

بدل ما تبكين عليه وتضيع دموعك هدر ابكي لربك واستفيدي منها مادامها طالعه طالعه ...

تشببي ماراح ينفعك غير شبابك ... في هالزمن مافي شيء إسمه أهم شيء الاخلاق ...

وساعه ما بيحس زوجك انه عندك شيء يشغلك غيره راح ينتبه لك هذي الساعه بس ..

اعتبري زوجك رجال وانتي حرمه غاوية تبين تطيحينه في حبالك عشان يتزوجك او يسوي معاك علاقه ..

كيف بيكون دهاءك ومكرك ذيك الساعه ؟!!!...

استمتعي بالتجربه هذي خصوصا انها في شيء حلال ...

:27::27::27: