سؤال فني... خصوصا لاختي مس ميوزك و اللي حابة تجاوبني: كيف اطبخ و انا في فترة الانتظار فترة ترجيع الاجنة... و هي فترة مهمة للراحة و عدم الشغل؟؟؟ شو جهزتوا طبخات قبل و بعد العملية... اللي زي حالتي ما عندها خدامة نتصحني و لها الجنة يارب
انا للاسف ماعندي خدامة... :icon33: و لما عملت اطفال انابيب العام الماضي زوجي ماخلاني اتحرك من فراشي و ما كان يخليني اطبخ ولا ارتب البيت>>> على فكرة بيتي عفن بسلامة زوجي و كراكيبه...
المهم كان هو اللي يجيب لي اكل جاهز حتى ما اطبخ ... كان يجيب لي كل يوم من مطاعم كتيرة متل الماكدونالز:f226: و بوبايز و بيتزا هت و جبلي سنيورة و لا نشون و نقانق و ملوخية لاني اشتهيتهم و طلبتهم منه >>>> شفتوا المصيبة اللي كنت اعملها:blink:....
و كنت اطلب منه يجبلي كل يوم شيبس و شكلاتة:f226:... و كنت اشرب بيبسي زي المفجوعة :09:... يعني الخلاصة كل كل الاكل الممنوع كنت اكله وانا ولا عندي خبر ولا يحزنون انه في شي اسمه اكلات ممنوعة قبل و بعد ترجيع الاجنة...لا وازيدكم من الشعر بيت ما كنتش اشرب مية بالمرة ابدا ابدا:11retcher... للاسف الله يسامحه دكتوري ما حكالي ولا نصحني ولا كان حتى فاضي يطلع بوجهي... و بعد كم يوم من الترجيع... صرت ادور على النت هون في المنتدى عن مواضيع تخص اطفال الانابيب و لما قربت احلل يعني بعد اسبوعين الا شوية اكتشفت انه في شي اسمه اكلات ممنوعة و في شي اسمه شرب مية ضروري لثبات الاجنة بعد الله و انه في شي اسمه تحضير قبل العملية باشهر و هو تناول حمض الفوليك و البيبي اسبرين و حليب و فيتامينات و انا طلعت بواد و الدنيا بواد... اكتشفت اني كنت اعمل كل شي ممنوع طول فترة الانتظار... سبحان الله ما اشتهيت باقي السنة هادا الاكل الممنوع ول ما رجعت اشتهيت كل البلاوي الحمرا :icon33:و كان اسوأها يا بنات الاكل الجاهز و اللحوم الباردة ديروا بالكم....
معلش حكيتلكم قصة حياتي:a_smil17:
عشان هيك يا بنات ما بدي اغلط الغلطة هاي مرة تانية... رحت بعد ما حللت و طلعت حامل بس حمل ضعيف و سبحان الله اجهضت قلت توووووووبة:024: و رحت من يومها و انا فتحت لي ملف على الكمبيوتر و صرت كل ما قرأ شي له علاقة بالاكل الممنوع و المسموح لعملية الحقن المجهري صرت اجمعه و عملت ملف و طبعته على ورق... و هيني من شهرين عم باخد حمض الفوليك و بيبي اسبرين من راسي رغم ممانعة زوجي لكن نعمل بالاسباب و نتوكل على الله :44:
تجمع الامل التاسع (للمقدمات والمنتظرات نتيجة طفل الانابيب والحقن المجهري )
متابعة النقاش، صفحة 242