السلام عليكم ورحمة الله وبركاته
غالياتي .. عندي عزيمة بعد تقريباً ثلاث أيام وماعندي شغالة ولله الحمد وهذه أول مرة يعزم زوجي عدد من الرجال في الغربة
بس ابغى اعرف كيف ارتب وضعي وأفرزن بعض المأكولات عشان إذا جاء وقت العزيمة اكون جاهزة من مجاميعه ؟؟
علماً إني الحمد لله وماشاء الله ما عليّ في الطبخ لكني أتلخبط وانحاس إذا جا وقت العزيمة ويصير طبخي إما متحمر زيادة أو منخبص أو محترق:(
وش الحل ياجماعة الخير وإيش نوع الأكل اللي ممكن أجمده وافرزنه من الآن؟
الله يجزاكم خير شورو عليّ
شاركي في النقاش
سجلي الدخول لإضافة تعليق.
التعليقات
5- شوفي حبيبتي الافضل انا تكتبين وش اللي يفرزن ووش اللي ينعمل بكرة الظهر وينحط في الثلاجة لاتتعبين ظهرك تسوي كل حاجة مرة وحدة.....
مثلا قبل بيوم سوي ورق عنب وفطائر واعملي الطبخات اللي تحتوي على قشطة الخفق في الظهر....مثل صينية البطاطس وصينية الزهرة... والا دوري رقم طباخة..الله يوفقك ويعينك - انا اطبخ ورق العنب قبل بيوم(ويكون ملفوف من اول بالفريزر)
السلطة قطعيها بدري لكن لاتخلطينها ببعض و غلفيها زين بالثلاجة
معظم الحلويات تتسوى قبل بيوم
المجنات اللي تنقلي (تكونين لافتها قبل العزيمة)و تقلينها على المغرب
كويس انه عزيمة ر جال يعني مفتكة من تجهيز نفسك داك اليوم هههههههههه - المكرونة بأنواعها عادي لو صلحتيها قبل بيوم وحطيتيها بثلاجة بس وقت التسخين تشغلين الفرن على نار هادية جدأ وتخلينها تسخن برواق
الخضار قطعيها مكعبات قبل بيوم وأنقعيها بموية وشوية ملح
الحلا بانواعة قبل بيوم المعجنات سويها وسخنيها بالمكرويف السلطة نقعيها بدري بس لاتخلطيها حطي كل نوع بعلبة بلاستيك او صحن وغلفية والتتبيلة وقت التقديم
صحون التقديم والكاسات والملاعق جهزيها قبل بيوم عشان ماتنسبن شي
نصيحتي لك حطي طبق رئيسي مع سلطة وحلى بعد العشاء وبس الرجال ترى مايهتمون مثل الحريم ولاتحوسين كثير
الله يعديها على خير ياكرهي للعزايم - الله يجزاكم خير ياحبيباتي وان شاء بطبق بعض الشغلات مثل الصواني من بكرة إذا الله أراد
عقد اللؤلؤ77 الله يجزاكم خير ياحبيباتي وان شاء بطبق بعض الشغلات مثل الصواني من بكرة إذا الله أراد
للرفع
مواضيع مشابهة
تابعي تجارب أخرى من هذا القسم.