دكتوره لو سمحتي انا حامل بالشهر السابع هذا الحمل الرابع ، طبعا الاول كان ولد وكانت ولادته طبيعيه يعني جاني طلق عادي لحد ما ولدت والحمد لله ، الحمل الثاني كانت بنت وكان عندي الام خفيفه وبعدها حسيت وانا نايمه بدقه بسيطه من تحت وبدا ينزل عليه مويه كثيره طبعا طلق خفيف جدا وولدت بطلق صناعي ، والحمل الثالث برضه بنت ونفس اللي حصل في ولادة اختها بس للاسف الطلق الصناعي ما نفع معايه لان الجنين مانزل الحوض وعملت عمليه قيصريه ،
وانا الان خايفه يادكتوره تتكرر نفس الحاله يعني تنزل المويه بدون طلق لاني سمعت انه الطلق الصناعي بعد العمليه يفجر الرحم وخايفه من العمليه كمان .
واحس اني اتاخر كثير عن موعد ولادتي المحدد يعني اطوف التاسع باكثر من عشرة ايام هل فيه اسباب معينه لهذا التاخير ؟؟؟
هل فيه اسباب معينه لنزول الماء قبل الولاده وبدون طلق ؟؟؟
ولو نزلت المويه ينفع ماروح المستشفى الا لما احس ان الطلق صار قوي مرره ؟؟؟
الله يخليكي يادكتوره ريحي قلبي انا خايفه بالمره وشايله هم ما يعلمه الا الله ارجوووك ردي عليه بسرعه ....
الولادة الطبيعية
متابعة النقاش، صفحة 57